Na bangɔ jurnale kɔi ti Sambela ti Katolikɛ (Catholic News Service), na la ti yenga kɔi mɛ ali ni ka Basilique Saint-Pierre na bi nzɛ ti 25/03/2022, Papɛ François adɔ lo ka gbɛlɛ ngbilondo tɛ Maria “azu na li lo sese, avĩ lɛ lo wa lo ndo li sambela ka gbɛgɔ̃ lo.” Lo ndo “vɔrɔ tɛrɛ lo hɛ̃ Maria” ya, lo kpã siriri. Mbeti kɔi Vatican News tɛnɛ ya, “Papɛ ndo li sambela ti nɛngɔ ya, lo zia azi zu ti lɛ sese kaya bɛ Maria, gba ni azi ti Rusi ná Ukraine”

 Mɔ da bɛ mɔ ya nɛ? Adu nzɔ̃ni vɔrɔngɔ ngbilondo bere salelangɔ ni kaya sambela tɛ e? Zia e ba tɛnɛ mɛ averse ti ya Ngbangɔ tɛnɛ:

•   “Ta mɔ lengbi ti lɛkɛngɔ ngbilondo na lo tɛ mɔ nvɛ̃ni bere lingɔ yika yika ti ye kɔi mɛ alengbi na aye zu mɛ ka ndozu, ge sese bere ka gbɛ ngu ma. Ta mɔ lengbi ti kukungɔ na gbɛlɛ ni ma, ta zo handa nga mɔ ya, mɔ vɔrɔ ni ma, na lo mɛ ya, mbi Yehova Nzapa tɛ mɔ, mbi du Nzapa mɛ mbi ndo yɔ ya, avɔrɔ bo mbi kɔi.”​—Kobima 20:4, 5. a

•   “Ala li angbilondo tɛ la na wolo nga na palata, adu kwa ti ti zo. Yanga ala da, kanda ta ala lengbi ti tɛnɛngɔ tɛnɛ ma, lɛ la da, kanda ta ala lengbi ti hũngɔ ndo ma; ma ala da, kanda ta ala lengbi ti mangɔ ndo ma, hɔ̃ ala da kanda ta ala lengbi ti mangɔ fĩnya ma; ti ala da, kanda ta ala lengbi ti gbɔ̃ngɔ ye ma; gɛrɛ la da, kanda ta ala lengbi ti nɔngɔ nɔ ma; ta legɔ̃ ala ndo si bɛ na lɛ tɛnɛ kɔi ma. Azi zu ko la ndo lɛkɛ ni nga na azi zu ko la ndo kpã bɛ la na ndo ni ko, ala na tingɔ kwɛ kɔi nga ma ni.”​—Nzembo 115:4-8.

•   “Mbi du Yehova. Ni la adu ili mbi; Ta mbi ndo hɛ̃ ndima tɛ mbi hɛ̃ zo mɛndɛ̃ ma, ta mbi ndo hɛ̃ nga gonda tɛ mbi hɛ̃ ngbilondo ma.”—Yisaya 42:8.

•   “Aya bua, na lo ni ko, ĩ du na kpengba lɛ, so ĩ vɔrɔ angbilondo.” [Ĩ kpɛ ngbilondo, NWT].​—1 Kɔrinto 10:14.

•   “Aya mbi, ta ĩ ye lo tɛ angbilondo bɛ gbɔ ma.” [ĩ keba na kpale mɛ aba ngbilondo, NWT]​—1 Yoanɛ 5:21.

 Ti nɛngɔ ya, mɔ hĩnga atɛnɛ mɛndɛ̃ mɛ Ngbangɔ tɛnɛ na omɛ aba vɔrɔngɔ ngbilondo ko, di bɛli tɛnɛ mɛ, “Biblia elobi nini? Bililingi” bere ba video mɛ Nzambe andimaka kosalela bikeko na losambo?

 Ngoi mɛndɛ̃ mɔ na sepalangɔ hĩngangɔ tɛnɛ mɛ Ngbangɔ tɛnɛ na ndo bɛli tɛnɛ mɛ:

•   “Ngɔndɔ Maria​—Biblia elobi nini mpo na ye?”

•   “Devrait-on prier la Vierge Marie?”

•   “Miracles et apparitions​—Des manifestations divines?”

•   “Ndenge nini kimya ekokɔta na mokili?”

Photo credit: Vincenzo Pinto/AFP via Getty Images