Ndɛ lo mɛ ko, kpale ti kɛ̃ngbingɔ amu ndo zu, azi ndo tɛnɛ siɔ tɛnɛ, wa ala ndo li aye ti mɔbulu tɛrɛ azi mɛndɛ̃ na lo mɛ ya, ta ala du azi ti kɔdɔrɔ, yanga bere pɔrɔ tɛrɛ kɔi ma.

•   “Na lo ti to mɛ na popo tɛ azi ti Izraɛlɛ ná ti Gaza ko, azi ndo tɛnɛ siɔ tɛnɛ mɛ ndo fa yangondo ya, ala ndo kɛ̃ afɔ̃ la na ndenge mɛndó ta adɛ li tɛrɛ lo uzu ma.”​—Tɛnɛ tɛ azi ti New York Times, 15/11/2023.

•   “Bandangɔ na bi nzɛ ti 7/10, e hũ se mɛ azi ndo kɛ̃ngbi ka popo tɛ la na ndenge mɛndó ta adɛ li tɛrɛ lo uzu ma, azi ndo li adiskur, ala ndo tɛnɛ atɛnɛ, wa ala ndo li nga aye ti mɔbulu so tongɔ azi ya, ala kɛ̃ngbi na popo tɛ la.”​—Dennis Francis, presidã ti Assemblée générale ti ONU, 03/11/2023.

 Ta asiɔ tɛnɛ ti kɛ̃ngbingɔ, akpale ti mɔbulu nga na to adu ye ti fãnani ma. Ngbangɔ tɛnɛ tɛnɛ tɛ azi mɛndó ndo “tɛnɛ tɛnɛ ti siɔni nga ma se mɛ zo ndo gãna na tó,” ala dundó awa tiringɔ to nga na awa mɔbulu. (Nzembo 64:3; 120:7; 140:1) Abɛse ngaso ko, Ngbangɔ kambisa nga nda mɛ ndɛ azi ndo kɛ̃ngbi.

 Ngbangɔ tɛnɛ tɛnɛ ti aye sɛ mɛ ndɛ ndo li ya azi ndo kɛ̃ngbi.

1.  1. Ni piandó tɛnɛ tɛnɛ ti ngoi mɛ ‘ta azi gba na yengbingɔ ma.’ (Matie 24:12) Na se lɛ yengbingɔ ko, azi gba ndo du na seliye ti siɔni mɛ ndo li ya, ala kɛ̃ngbi.​—2 Timɔte 3:1-5.

2.  2. Seliye ti kɛ̃ngbingɔ mɛ ndɛ e ndo hũ ni ko, Satana la ndo to azi ya, ala du na ni. Ngbangɔ tɛnɛ ya, ‘Satana du gbia ti lɛ sese zu.’​—1 Yoanɛ 5:19; Suma 12:9, 12.

 Abɛse ngaso ko, Ngbangɔ tɛnɛ nga ya, angbã yakere Nzapa onzi aye zu mɛ ndo li ya, azi kɛ̃ngbi. Lo nga na onzingɔ akpale zu ti siɔni mɛ kɛ̃ngbingɔ si na ni. Ngbangɔ ko kapa ya:

•   Nzapa “mbó gbanda ngulɛ zu na lɛ la, ta kwa na dungɔ da fãni mɛndɛ̃ ma, ta gwengɔ ndo kwá na dungɔ da ma, ta demangɔ tɛrɛ ná pɛnɔ nga na dungɔ da ma. Aye ti gã zu aɔ.”​—Suma 21:4.