Mɔ ndo ma tɛrɛ mɔ ya, mɔ kɔi bere mɔ ndo ma vundu ngoi zu? Se adu ngaso ko, na ya ngoi mɛndɛ̃ mɔ ndo ma tɛrɛ mɔ nga ma tɛ wa sungɔ Mbeti ti Nzembo mɛndó lo tɛnɛ ya: “Mbi ti nga ma hú mɛ angbã lo kɔi ka bɛli da.” (Nzembo 102:7) Wangɔ ti ya Ngbangɔ alengbi ti zangɔ mɔ ya, mɔ nwɔ apɛnɔ mɛ ndo si na ngoi mɛ mɔ ndo ma tɛrɛ mɔ ya mɔ kɔi.

•  Li ya, mangbi tɛ mɔ na Nzapa ati kpengbani

•  Ndo di atɛnɛ ti wambangɔ bɛ mɛ kaya Ngbangɔ

•  Gi hĩngangɔ nda mɛ akpale ti siɔni ali tɛrɛ lo ndɛ

•  Kɛ̃ dungɔ na sɔngɔ bɛ mɛ ta tina ni da ma

•  Du na akwa, wa ndo li nga ya mangbi tɛ ĩ amai

•  Ndo le wele mɛ ndo bata sãte tɛ mɔ (ndo li Physique)

 Ngoi mɛ mɔ ndo ma ya, mɔ ngbã mɔ kɔi ko, mɔ lengbi ti dungɔ na dengɔ bɛ se du ya, mɔ hĩnga aye mɛ ndo hɛ̃ Nzapa dengɔ bɛ, wa mɔ li nga ni. (Matie 5:3, 6) Ba aye mɛ alengbi ti zangɔ mɔ ya, mɔ nwɔ akpale ni.

•   Adu woni dingɔ Ngbangɔ mɛ kaya sitɛ ti internet

•   Avideo ti ndunu ni mɛ atɛnɛ tɛnɛ na ndo angɔ lo ti ngbondoni ti ya Ngbangɔ

•   Ba bɛli tɛnɛ mɛ “Biyano na mituna ya Biblia”—Mɛ ndo hɛ̃ gbinya na ndo ahũnda mɛ azi mɛndɛ̃ ndo hũnda

•   Ba bɛli tɛnɛ mɛ “Mekolá kondima na bango”—Ni na atɛnɛ mɛ alengbi ti zangɔ mɔ ya, mɔ hũ na ya bingangɔ li tɛ mɔ se mɛndó akɔli ná awali mɛ Ngbangɔ tɛnɛ tɛnɛ tɛ ala angbã mbilimbili

•   Ba bɛli tɛnɛ mɛ “Ebimá kaka yango moko?”—Ni ndo fa se mɛ aye mɛ Nzapa li adu aye ti kamwangɔ nga ti kpɛ̃nɛ

  Avɛrse mɛ ge gbɛnda ni azandó azi gba ya ala ti kpengbani. Na se lɛ dingɔ avɛrse gba na mbala kɔi ko, salelangɔ ngoi mɛ mɔ kɔi so gbɔ̃ngɔ li mɔ na ndo vɛrse ni kɔi kɔi nga na lingɔ sambela.—Marko 1:35.

•   Nzembo 23:1-6

•   Nzembo 34:1-22

•   Nzembo 46:1-11

•   Nzembo 63:6-8

•   Nzembo 91:1-6

•   Matie 6:25-34

•   2 Kɔrinto 1:3, 4

•   Filipɛ 4:6, 7

•   1 Petro 5:6,7

  Mɔ lengbi ti gbengɔ bɛ mɔ na ya apɛnɔ ti dungɔ lɛ ngɛ̃́ se du ya, mɔ hĩnga nda mɛ asiɔ lo ni ndo si nga na se mɛ Nzapa na ozingɔ ni.—Yisaya 65:17.

•   Nda mɛ Nzapa zi lége hɛ̃ apɛnɔ nɛ?

•   Ngbangɔ pa ya nɛ na lo ti ngã ná dungɔ na sãte ti nzɔ̃ni nɛ?

•   Ye mɛ fa ya, e na ndangba bi nɛ?

•   Awa kpɛngɔ na punda mɛ mbeti ti Suma tɛnɛ tɛnɛ tɛ la adu ana?

•   Ye mɛ Lo-lengɔ Gbia tɛ Nzapa na lingɔ nɛ?

  Tɛnɛ mɛ ge gbɛnda ni na zangɔ mɔ ya, mɔ nwɔ vundu ti mangɔ ya, mɔ kɔi, wa ta mɔ du ‘na sɔngɔ bɛ ma.’—Matie 6:25.

•   Ye mɛ mɔ lengbi ti lingɔ ti nɛngɔ ya mɔ nwɔ sɔngɔ bɛ nɛ?

•   Bata bingangɔ li ti nzɔ̃ni

•   Sɔngɔ bɛ na lo ti akpale ti pɛnɔ

•   Sɔngɔ bɛ na lo ti zangangɔ falanga

•   Sɔngɔ bɛ mɛ ayangambi ndo tengbi na ni

  Dungɔ na akwa alengbi ti zangɔ mɔ ya, mɔ ma tɛrɛ mɔ nzɔ̃ni, mɔ du nga na bingangɔ li ti nzɔ̃ni, gba ni na ngoi mɛ ta mɔ lengbi ti tengbingɔ na azi ma wa na ngoi ni ko la, gwɛ̃ ti dungɔ na akwa ndo du kpengbani. Se du ya, ta mɔ ndo si gegi ma ko, mɔ lengbi ti ilingɔ akwa mɔ na lége ti telefɔnɛ nga ná lége ti appel video so lingɔ ya, mangbi tɛ ĩ ati kpengbani bere mɔ lua akwa mɛndɛ̃ ti fãnani. Tɛnɛ mɛ ge gbenda ni na zangɔ mɔ ya mɔ lua, wa mɔ du nga “nzɔ̃ kwa.”—Masese 17:17.

•   Dungɔ nzɔ̃ kwa alengbi na nɛ?

•   Mbi lengbi ti tingɔ na akwa gba?

•   Ye mɛ mɔ lengbi ti lingɔ nɛ se du ya mɔ ndo hũ ya ta mɔ na akwa ma nɛ?

•   Ndo du na songo ti nɛngɔ ya mɔ du kwa kɔi ti nzɔ̃ni

•   Ndo hɛ̃ sia kɔli ti nɛngɔ ya mɔ du kwa kɔi ti nzɔ̃ni

  Ngbangɔ pa ya “wele mɛ ndo bata sãte adu gbondoni.” (1 Timɔte 4:8) Ni lengbi ti zangɔ mɔ ya mɔ du na bingangɔ li ti nzɔ̃ni, gba ni se du ya, mɔ ndo ma tɛrɛ mɔ ya mɔ ngbã mɔ kɔi. Abɛse ta mɔ ndo si gegi ma ko, hĩnga ya ni na awele mɛndɛ̃ mɛ mɔ lengbi ti lingɔ ka yada so batangɔ sãte tɛ mɔ

•   Ndo li muvɛma

•   Dungɔ na sãte ti nzɔ̃ni nga na bingangɔ li ti nzɔ̃ni