Azi ti mɔbulu ndo gbɛ̃ kɔdɔrɔ ti Haiti. Azi ti mɔbulu ndo hɛ azi mɛ ndo du ka Afrique du Sud, Mexique nga na akɔdɔrɔ mɛndɛ̃ ti Amerique pɛnɔ nvɛ̃ni. Abɛse kaya akɔdɔrɔ mɛ ta kpale ti mɔbulu di dɛ da gba ma ko, azi ndo kpɛ mbɛtɔ kpengbani na lo mɛ ya, ala ndo ma tɛnɛ ti akpale ti siɔni mɛ ndo li tɛrɛ lo mabere nzĩngɔ aye tɛ azi, kpɔngɔ azi nga na akpale mɛndɛ̃.

 Tɛnɛ mɛ Ngbangɔ tɛnɛ na lo ti zangangɔ tɔndɔngɔ ndia mɛ ndɛ amu ndo ge lɛ sese nɛ?

 Ngbangɔ piandó tɛnɛ ya, zangangɔ tɔndɔngɔ ndia na dungɔ ka popo ti aye mɛ ndo “fa kɔngɔ ti nda akpale ti ngoi olo.” (Matie 24:3) Na ngoi mɛndó lo ndo kambisa akpale mɛ ndo fa ya ndangba bi dɛ dã ko, lo pandó ya:

•   “Azi ali gbanda siɔ ye sĩ, na lo ni ko, ta azi gba ati ayengbi gbanda ma.”—Matie 24:12.

 Ngbangɔ tɛnɛ ngandó ya, “na ndangba bi” azi na dungɔ “azi mɛ ta ndo fɔ̃ bɛ la ma, awa yakɛ, azi mɛ ta ndo ye kpale ti nzɔ̃ni ma.” (2 Timɔte 3:1-5) Aseliye niko ndo li ya, ta azi gba di dɛ tɔndɔ andia ndɛ na ngoi tɛ e ma.

 Elengbi ti dungɔ na nzɔ̃ dangɔ bɛ. Ngbangɔ tɛnɛ ya, angbã yakere ta kpale ti kongɔ nyɔ ndia na dungɔ da ma.

•   “Angbã yakere ta siɔ zo na dungɔ da ma, mɔ na bangɔ ndo mɛndó lo ndo du da, ta lo na dungɔ da ma. Kanda azi ti mbilimbili na mungɔ lɛ sese, wa ala na dungɔ na bɛta siriri nga na dengɔ bɛ gba.”—Nzembo 37:10, 11.

 Gi hĩngangɔ aye gba na ndo nzɔ̃ dangɔ bɛ ti ya Ngbangɔ nga na nda mɛ mɔ lengbi ti yengɔ na bɛ mɔ kɔi ya, akpale zu mɛ e ndo hũ ndɛ ndo kokisa aprɔfesi ti ya Ngbangɔ. Ba abɛli tɛnɛ mɛ.

 “Bɛta nzɔ̃ dangɔ bɛ na lo ti bi mɛ na gangɔ”

 “Elembo ya “mikolo ya nsuka,” to ‘ntango ya suka’ ezali nini?”

 “Biblia esakolaki makambo oyo bato bazali kokanisa mpe kosala lelo oyo?”