Azi gba ndo ma tɛrɛ la ya, ani ngbã na bɛ ani—Ye mɛ na zangɔ mɔ ya, ta mɔ ma tɛrɛ mɔ ngaso ma nɛ?
“Azi gba mɛ ndo du ka État-unis apa ya, ani ndo ma tɛrɛ ani ya, ani ngbã na bɛ ani, kpale niko ndo si gba na azi mɛ na bulu bandangɔ 18 tee 25.”—Mangɔ tɛrɛ ya, zo ngba na bɛ lo: Dangɔ bɛ tɛ Directeur general mɛ ndo ba kpale ti sãte ka États-Unis na omɛ aba onzingɔ kpale ti mangɔ tɛrɛ ya, zo ngbã na bɛ lo na lége ti dungɔ na mangbi na azi mɛndɛ̃ na bulu ti 2023.
“[Linɔ mɛ ndo ba kpale ti sãte OMS] atɛnɛ ya, ani kpã grupɛ tɛ azi kɔi mɛ na lingɔ zu so onzingɔ iɔ nvɛ̃ni kpale ti sãte tɛ azi na omɛ ba mangɔ tɛrɛ ya, zo ngbã na bɛ lo. Ala na sangɔ ngunu bɛ azi ya, ala du na mangbi ti kpengbani na azi mɛndɛ̃, wa ala gi nga lége ti nzɔ̃ni ti onzingɔ na kpale niko na ya akɔdɔrɔ zu, abɛse akɔdɔrɔ ti yɛrɛ.”—Tɛnɛ tɛ azi ti lingɔ mɛ ndo ba kpale ti sãte na ndo lɛ gigi zu (OMS) 15//11/2023.
Ngbangɔ hɛ̃ e awangɔ ti ndara mɛ na zangɔ e ya, e du na mangbi ti nzɔ̃ni na azi mɛndɛ̃.
Awangɔ ti ya Ngbangɔ mɛ alengbi ti zangɔ e
Zia aye mɛ ndo gbanzi mɔ na lekisangɔ ngoi ndoni kɔi na azi mɛndɛ̃. Aye ni adu mabere salelangɔ sitɛ ti tɛnɛngɔ tɛnɛ na azi kaya intɛrnɛtɛ ngoi yɔngɔrɔ ni. Na se lɛ lingɔ ngaso ko, gi lége ti tingɔ kwa azi mɛ mɔ ná la ĩ ndo hũngbi, wa ndo lekisa ngoi ndoni kɔi na ala, ti nɛngɔ ya ĩ ti abɛta akwa.
Wangɔ ti ya Ngbangɔ: “Bɛta kwa ndo ye fɔ̃ lo ngoi zu, wa lo du nyita mɛ adũ lo na lo ti angoi ti pɛnɔ.”—Masese 17:17.
Gi lége ti zangɔ azi mɛndɛ̃. Lingɔ nzɔ̃ lo tɛrɛ azi mɛndɛ̃ ndo li ya, e na ala e ti na mangbi ti kpengbani, wa ando li nga ya, e ma dengɔ bɛ.
Wangɔ ti ya Ngbangɔ: “Bɛ wa hɛ̃ngɔ ye ndode aɔ tɛ wa luangɔ ye.”—Awa Pangɔ Kwa 20:35.
Li kaya sitɛ ti internet tɛ e ti nɛngɔ ya, mɔ lua aye gba mɛ na zangɔ mɔ na omɛ aba dungɔ na mangbi ti nzɔ̃ni ná azi mɛndɛ̃.
Ba nga atɛnɛ mɛ
AYE MƐNDƐ̃
Se mɛ mɔ lengbi ti nwɔngɔ vundu ti mangɔ tɛrɛ mɔ ya, mɔ kɔi
Na ngoi mɛ zo ndo ma ya, lo ngbã lo kɔi ko, lo ndo hũ ya, ta lo lengbi ti luangɔ ngunu, dengɔ bɛ, bere nzɔ̃ lo ma—ta seni la ma?
