Ngoi mɛndɛ̃, ta ndo du ngoi zu woni ti nɛngɔ ya zo da bɛ lo na aye mɛ lo manda ma. Kanda ando du woni ya mɔ da bɛ mɔ na aye gba ­mɛndó Yezo ha na lo mɛ ya, lo ndo salelandó andakisa. Mɔ lengbi ti bangɔ ni kaya bingangɔ li tɛ mɔ wa ni na zangɔ mɔ ya, mɔ da bɛ mɔ na ni. Kwɛ kɔi mɔ na bandangɔ dangɔ bɛ mɔ gba na aye mɛ mɔ ndo manda se du ya mɔ ndo li adɛsĩn ti aye mɛ mɔ manda. Mɔ lengbi ti lingɔ ni ngasia? Na lingɔ adɛsĩn na ngoi mɛ mɔ ndo manda aye.

Azi ko la ndo li adɛsĩn na ngoi mɛ ala ndo ­manda aye ti fãnani ndo da bɛ la nzɔ̃ni na aye mɛ ala manda. Ala tɛnɛ ya, lingɔ adɛsĩn ndo za ala ya ta ala ngbã bo na gbɔ̃ngɔ nda atɛnɛ nzɔ̃ni ma, kanda ni ndo za nga ala ya ala gbɔ̃ nda aye ti ngbondoni ti aye mɛ ala ndo manda. Ta alimɔ du bo kwa tɛ awa lingɔ adɛsĩn ma, kanda ni du aye mɛ alɛkɛ. Afa ya abɛse abange, ala lengbi nga ti luangɔ nzɔ̃ kpale na ndo aye niko.

Na ngoi mɛ mɔ na mandangɔ aye ko, mɔ ­lengbi ti lɛkɛngɔ adɛsĩn ti aye mɛ mɔ manda. Mɔ na kamwangɔ ti hũngɔ aye zu mɛ mɔ ndo da bɛ mɔ na ni!