Lá kɔi nyita wali kɔi mɛ ndo du ka Nouvelle-Zélande ndo bandó video mɛ bɛli tɛnɛ ni pa ya, “Soucions-nous les uns des autres,” mɛ ni kambisa se mɛ ta Yehova ndo ngbã bo na mangɔ vundu ma, kanda bɛ ti vundu ndo to lo ya, lo li ye so zangɔ azi. (Yis. 63:7-9) Lo mundó ekateli ti kpãngɔ ye mɛ lo manda na kwa na gingɔ lége ti zangɔ azi mɛndɛ̃. Na gesi ngoi mɛndó lo gwe ti vɔ̃ngɔ aye ka ngele ko, lo tengbindó na wa yɛlɛ kɔi, wa lo pandó hɛ̃ lo ya, ni vɔ̃ hɛ̃ lo ye ti tɛngɔ. Wali niko yendó. Na ngoi mɛ nyita wali ga na tɛ ti tɛngɔ ko, lo pandó nzɔ̃ pa hɛ̃ wa yɛlɛ ni na lége ti traktɛ mɛ bɛli tɛnɛ ni pa ya, Pɛnɔ na wɛngɔ mbɛni la kɔi?

Nyi wali mɛ wa yɛlɛ ni bandandó tongɔ to. Wa lo pa hɛ̃ lo ya, akãndó lo kaya ndasewa tɛ Atɛmwɛ tɛ Yehova, kanda lo ziandó mbilimbili ali ndɛ abulu gba. Na ya bi mɛ alo ti ɔngɔ lo li mbalasi sambela hɛ̃ Yehova ya, lo za ni, ni diri ka tɛ lo. Nyita wali hɛ̃ndó lo Ngbangɔ, wa ala lɛkɛndó kpale ti nɛngɔ ya, ala banda mandangɔ ni. a

Nga ma Yehova, zia e fa bɛ ti vundu ka tɛ azi ti ndasewa tɛ e ná ayata ti ya bombi. E nga na fangɔ bɛ ti vundu se e ndo gi lége ti fangɔ tɛnɛ na azi mɛndɛ̃.