Mɔ dindó Linɔngi ti Sinzili ti bulu mɛ na seni? Se du ngaso ko, mɔ lengbi ti hɛ̃ngɔ gbinya na ambanga ahũnda mɛ:

Se lɛlo ti nzɔ̃ni mɛ Yehova fa na e ti lingɔ na kpale tɛrɛ awali nɛ?

Lo ndo li kpale tɛrɛ la na zangangɔ pɔnangɔ lɛ, ta lo ndo hũ akɔli ngbondoni ɔngɔ awali ma. Nzapa ndo ma awali, lo ndo kpã nga lɛ lo na ndo dangɔ bɛ ná sɔngɔ bɛ tɛ ala. Wa lo ndo kpã nga lɛ lo na ndo aye ti mbilimbili mɛ ala ndo li kaya kwa tɛ lo.​—w24.01, p. 15-16.

Ngasia la elengbi ti kpãngɔ na kwa tɛnɛ mɛ kaya Efɛzɛ 5:7 mɛ tɛnɛ ya: “ta ĩ li na linɔ tɛ gi tɛrɛ azi ko ma” nɛ?

Toma Polo hɛ̃ e wangɔ ya, ta e du ndoni kɔi na azi mɛ ndo ko nyɔ ndia tɛ Nzapa ma. Ni ndo fa ya e ndo du ndoni kɔi na ala ngoi gba bere e ndo tɛnɛ tɛnɛ na ala ngoi gba kaya sitɛ ti tɛnɛngɔ na tɛnɛ.​—w24.03, p. 22-23.

Nda mɛ ayɔ ya, e du na kpengba lɛ na ndo apandɛ ti nvɛ̃nɛ nɛ?

Ayɔ ya e du na kpengba lɛ na ndo apandɛ mɛ ta e hĩnga ndani na seni ma mɛ alo ka tɛ akwa e, mɛsajɛ mɛ ta e hĩnga ndo mɛ alo da ma ná ambanga mbilimbili mɛ lo ka tɛ aaposta.​—w24.04, p. 12.

Ye mɛ e hĩnga ná ye mɛ ta e hĩnga ma na lo ti fangɔ ngbanga tɛ Yehova na ndo gbia Salomo, azi mɛndó kpili ka Sodoma ná Gomora nga na azi mɛndó kpili na ngoi ti kpengba ngu nɛ?

Ta e hĩnga ma bere Yehova kpɔ bondó ala ti bwai. Ye mɛ e hĩnga du ya, lo na bɛ ti vundu wa lo hĩnga nga akpale zu.​—w24.05, p. 3-4.

Nzapa du “tɛ̃nɛ tɛ e” ni za e ya, e hũ lo mabere na? (Mib. 32:4)

Elengbi ti gingɔ ndo ti batangɔ na tɛrɛ e ka tɛ Yehova. E kpã bɛ e na ndo lo ya, lo na kokisangɔ akapa zu mɛ lo ko hɛ̃ e, wa ta lo ndo gbinyangbi ma, lo bo mbilimbili na ya kpale mɛ lo ndo li.​—w24.06, p. 26-28.

Ye mɛ lengbi ti zangɔ e ya, e mɛsɛnɛ na bombi tɛ e ti fãnani nɛ?

Kpã bɛ mɔ na ndo Yehova, lo na zangɔ mɔ ngama se mɛndó lo ndo za na awa kwa tɛ lo na ngoi ti gã. Ta mɔ haka bombi tɛ mɔ ti gã na ti fãnani ma. Li kpengbani mɔ mɛsɛnɛ na bombi tɛ mɔ ti fãnani, wa mɔ gi nga akwa ti fãnani.​—w24.07, p. 26-28.

Awangɔ mɛ e lua kaya amatɔ taa mɛ e di kaya Matie shapitrɛ 25 nɛ?

Matɔ tɛ angasã gbaga na abɛta ngãsa aza e, e hũ ya ni du ngbondoni dungɔ mbilimbili. Matɔ tɛ awali ti ndara ná ti buba za e hũ ya, ni du ngbondoni lɛkɛngɔ tɛrɛ e nga na dungɔ na kpengba lɛ. Matɔ mɛ ba talata fa na e ya, adu ngbondoni ya, zo ndo le kwa kpengbani wa lo du nga na ge ge ge.​—w24.09, p. 20-24.

Veranda ti tepelo mɛndó Salomo kĩ ndó na yɔngɔ ti ngasia?

Kaya mbeti ti 2 Ntango 3:4, ambanga maniskri ti gã tɛnɛ ya, veranda nikondó na yɔngɔ ti ndozu ti 120 coudés, ni lengbi ti dungɔ 53 mɛtrɛ. Kanda ambanga Ngbangɔ mɛndɛ̃ mɛndó na ndima atɛnɛ ya, ni du “20 coudés” mɛ lengbi ti dungɔ 30 mɛtrɛ. Tɛnɛ mɛ ti ndani ndo fa kɔnɔngɔ ti mirɛ ti tepelo.​—w24.10, p. 31.

Ayɔ ya ‘awazangɔ na kwa du na wali kɔi’, tɛnɛ niko lengbi na nɛ? (1 Tim. 3:12)

Ni lengbi na dungɔ libala bo na wali kɔi nga na kɛ̃ngɔ pombingɔ tɛrɛ na se ti bí. Ni la, ta adu nzɔ̃ni ya, wa zangɔ na kwa kpã lɛ lo na ndo awali mɛndɛ̃ ma.​—w24.11, p. 19.