Na ngoi mɛ e ndo di Ngbangɔ, elengbi ti luangɔ aye ti ngbondoni se e li bolukiluki. Ngasia la mɔ lengbi ti luangɔ anzɔ̃ kpale na ndo ni nɛ?

Kpã lɛ mɔ ndo akpale ti yakere yakere. Na ngoi mɛ mɔ ndo di pandɛ kɔi ti ya Ngbanga ko, gi hĩngangɔ aye ti yakere yakere mabere, zo mɛndó wa sungɔ tɛnɛ ni, lo sundó ni na lo tɛ ana, lo sundó ni na ngoi mɛ wa, akpale mɛndó ndo li tɛrɛ lo na ngoi niko nɛ, aye mɛndó ali tɛrɛ lo uzu nɛ, wa aye mɛndó ali tɛrɛ lo na gesi nɛ.

Gbɔ̃ li mɔ na ndo awangɔ mɛ ni hɛ̃ mɔ. Gi luangɔ gbinya ti ahũnda mɛ: ‘Azi mɛndó kpale mɛ aba ala amandó tɛrɛ la ngasia? Seliye mɛndó ala fa nɛ? Nda mɛ ayɔ ya, mbi landa seliye mɛ bere mbi kɛ̃ ni nɛ?’

Kpã awangɔ mɛ mɔ lua na kwa na ya kwa tɛ mɔ ti fangɔ tɛnɛ bere na ya kpale mɛndɛ̃. Se mɔ li ngaso ko, mɔ na fangɔ ya, mɔ na ndara mɛ ndo lo ka tɛ Nzapa, nga ma se mɛ Ngbangɔ tɛnɛ na ni ya: “Zo zu ko la na ndara ko, lo na kpãngɔ lɛ lo na ndo kpale mɛ.”—Nz. 107:43.

• Wangɔ: Gi hĩngangɔ se mɛ eteni ti bombi mɛ apa ya, gingɔ aye ti ngbondoni ti ya tɛnɛ tɛ Nzapa ndo za e ya, e kpã lɛ e na ndo wangɔ mɛ e lua. Ngoi gba, eteni niko ndo du na hũnda mɛ elengbi ti hũndangɔ na tɛrɛ e nvɛ̃ni, aye mɛ elengbi ti gbɔ̃ngɔ li e na ndo ni, nga na alimɔ mɛ elengbi ti bangɔ ni.