DANGƆ BƐ TI YA NGBANGƆ
Uzu ti Yezo tɔ̃ngɔ azi, Nzapa ndo kandó lɛlo na ndo siɔ kpale ngasia?
Nzapa lengbi ti kangɔ lɛlo na ndo siɔ kpale tɛ e, bo na lége ti kwá tɛ Yezo mɛ lo tɔ̃ e na mɛnɛ tɛ lo. (Ef. 1:7) Kanda Ngbangɔ tɛnɛ ya: “Na lége ti vundu tɛ Nzapa ko, lo ndo kandó lɛlo na ndo siɔ kpale mɛndó ali tɛrɛ lo gã,” afa ya, uzu ti nɛngɔ ya, Yezo ga tɔ̃ e. (Roma 3:25, NWT) Ngasia la, Yehova lengbindó ti lingɔ ni na tɔndɔngɔ ndia ti fangɔ ngbanga tɛ lo ti mbilimbili nɛ?
Yehova kondó kapa ya, ni na singɔ na “ndasewa” kɔi mɛ na songɔ azi mɛ na fangɔ loyengɔ na mbage tɛ ni nga na ndo kapa mɛ ni ko. Ngoi mɛndó lo ko kapa niko ko, ka tɛ lo atindó mabere ya, lo tɔ̃ azi wɛ. (Eb. 3:15; 22:18) Nzapa hĩngandó ya, na ngoi mɛ alengbi, Nyi lo ti kpɔ̃ bɛ lo na tɔ̃ngɔ azi. (Gal. 4:4; Aeb. 10:7-10) Ngoi mɛndó Nzapa to Yezo ge lɛ sese ko, Lo hɛ̃ndó Yezo ngunu ti kangɔ lɛ lo na ndo siɔ kpale tɛ azi uzu ti nɛngɔ ya, lo tɔ̃ ala. Yezo lengbindó ti kangɔ lɛlo na ndo siɔ kpale tɛ azi mɛ na loyengɔ na lo mɛ ya, lo hĩngandó ya, kwá tɛ lo na vĩngɔ siɔ kpale tɛ ala.—Mat. 9:2-6.
