Mɔ ye luangɔ nzɔ̃ kpale na ndo mandangɔ Ngbangɔ tɛ mɔ nvɛ̃ni? Mɔ lengbi ti salelangɔ wangɔ mɛ ti nɛngɔ ya, mɔ gi ndo ti siriri mɛ na zangɔ mɔ ya mɔ manda na ye nzɔ̃ni:

• Gi ndo ti siriri. Se alengbi, gi ndo mɛ nzɔ̃ni mɛ alengbi ti zangɔ mɔ ya, mɔ hũ ye mɛ mɔ ndo di. Mɔ lengbi ti dungɔ ka biro bere gingɔ ndo kɔi ti siriri nga ti nzɔ̃ni ka gigi.

• Gi ndo mɛ mɔ lengbi ti dungɔ mɔ kɔi. Yezo pɔnandó lingɔ sambela na “ndapelele” ka “ndo mɛndó lo kɔi na bɛ lo.” (Mar. 1:35) Se du ya, ta mɔ lengbi ti dungɔ mɔ kɔi na bɛ mɔ ma ko, pa hɛ̃ azi ti ndasewa tɛ mɔ bere azi mɛ mɔ ná ala kaya da kɔi ya, mɔ ye mandangɔ ye ko ta ala gia mɔ ma.

• Kpã lɛ mɔ na ndo ye mɛ mɔ ndo manda. Kpã aye mɛ lengbi ti giangɔ mɔ katɛ. Se du ya mɔ ndo salela telefɔnɛ bere tablɛtɛ tɛ mɔ ti nɛngɔ ya mɔ manda na Ngbangɔ tɛ mɔ nvɛ̃ni ko, kpã ni na ndenge mɛ ta na giangɔ mɔ ma. Se mɔ ndo manda Ngbangɔ wa mɔ da bɛ mɔ na ye kɔi mɛ ayɔ ya mɔ li ko, su ni ti nɛngɔ ya ta bɛ mɔ li na ni ma. Se du kpengbani ti nɛngɔ ya mɔ kpã lɛ mɔ na ndo ye mɛ mɔ ndo manda ko, wɛ yakere.