Awa dũngɔ ayangambi ĩ na kumba mɛ kotani ti hangɔ ayati ĩ na hĩngangɔ Yehova. (Ef. 6:4) Ti nɛngɔ ya, linɔ tɛ Yehova aza ĩ ko, ni si na ambeti gba ti mandangɔ na ala, avideo, abia nga na aye mɛndɛ̃. Ngasia la ĩ lengbi ti salelangɔ aye niko ti nɛngɔ ya, ĩ za na ayati ĩ nɛ?

• Li kaya site jw.org. Kai mɔ na tãngɔ ambeti nga na avideo mɛ asi na ni na lo tɛ apalanga. a Se mɔ ye luangɔ ni ko, su tɛnɛ mɛ, “ayangambi” bere “apalanga” ka ndo ti gigingɔ na aye.

• Gi ye mɛ na dungɔ nzɔ̃ni na lo tɛ ayati mɔ. Kaya tɛnɛ mɛ asi na ni na lo tɛ “ayangambi” ko, pɔna omɛ amangbi na gwɛ̃ tɛ ayati mɔ. Ti nɛngɔ ya, mɔ lua ni ko, su tɛnɛ mɛ, “mandangɔ Ngbangɔ ka ndasewa” ka ndo ti gigingɔ na aye.

• Ĩ mu ngoi ti mandangɔ na ayangambi tɛ ĩ aye niko. Ta mɔ salela bo avideo ti nɛngɔ ya, ayangambi tɛ mɔ alekisa na ngoi gɛgɛrɛ ma, kanda salela ni ti nɛngɔ ya, ala ti na mangbi ti kpengbani ná Yehova.