Ngoi ko la mɔ ndo lɛkɛ tɛrɛ mɔ ti mandangɔ ye ko, mɔ lengbi ti hũndangɔ tɛrɛ mɔ na ndo mɛ, ‘Ye mɛ mbi ye mandangɔ nɛ?’ Na lo ni la mɔ lengbi ti dungɔ na kpengba lɛ ti nɛngɔ ya ta gwɛ̃ tɛ mɔ agbanzi mɔ ya, mɔ zanga hĩngangɔ aye mɛ Yehova ndo gi hangɔ na mɔ ma. Ngasia la mɔ lengbi ti mandangɔ ye mɛ Yehova ndo li kpengbani ti hangɔ na mɔ nɛ?

Li sambela hɛ̃ Yehova ya, lo hɛ̃ mɔ ndara. Yɔ ka ti Yehova ya, lo za mɔ, mɔ hĩnga ye mɛ lo ye ya mɔ manda na olo. (Zaki 1:5) Zia kpãngɔ bo lɛ mɔ na ndo aye mɛndó mɔ hĩnga ni gã.​—Mas. 3:5, 6.

Zia ya, ngunu ti tɛnɛ tɛ Nzapa ali kwa na ndo mɔ. “Tɛnɛ tɛ Nzapa na dungɔ lɛ ngɛ̃́.” (Aeb. 4:12) “Tɛnɛ” tɛ Nzapa mɛ na dungɔ lɛ ngɛ̃́ lengbi ti zangɔ e, na ngoi zu ko la e ndo di “Ngbangɔ” wa, ni lengbi nga ti hangɔ e na akpale ti fãnani, ni nga na zangɔ e na ya akpale gba ti ya dungɔ lɛ ngɛ̃́ tɛ e. Kanda ni bo na lingɔ tɛrɛ lo se du ya e ndo hĩnga ya, e na gwɛ̃ ti nɛngɔ ya Nzapa ha e na ye.

E ndo hɛ̃ Yehova sia kɔli na lo ti aye zu mɛ lo ndo salela ti hangɔ e na aye. Ahaka tɛ tɛ lo ti nyingɔ na “fɛtɛ ti tɛ mɛ ni nzɔ̃ni nvɛ̃ni.” (Yis. 25:6) Se du ya ta mɔ sepala na ambanga “atɛ” mɛndɛ̃ ma ko ta mɔ kɛ̃ tɛngɔ ni ma. Mɔ na zingɔ lége ya Nzapa za mɔ, mɔ ti nzɔ̃ zo wa mɔ na sepalangɔ nvɛ̃ni na mandangɔ aye!