E zu e ndo du na ngoi mɛ e kpã ti lingɔ na boyekoli tɛ e nvɛ̃ni. Ngasia la, elengbi ti salelangɔ ngoi niko nzɔ̃ni nɛ? Ti uzu, mu ngoi ti mandangɔ na ambeti. Mɔ na luangɔ nzɔ̃ kpale gba se mɔ mu ngoi yakele ti mandangɔ Ngbangɔ na seni nvɛ̃ni, na se lɛ dingɔ ni ndozu ndozu.

Na gesi, kpã aye ti ngbondoni na ndo ti uzu. (Ef. 5:15, 16) Ba aye ti ngbondoni mɛ mɔ lengbi ti lingɔ lo mɛ:

• Di Ngbangɔ bi zu. (Nz. 1:2) Se ti nzɔ̃ni mɛ mɔ lengbi ti lingɔ na ni adu na landangɔ prɔgramɛ ti mandangɔ Ngbangɔ ti ya bombi mɛ ando li ni na ya pɔsɔ.

• Lɛkɛ na se ni nvɛ̃ni Linɔngi ti Sinzili ti mandangɔ nga na abombi mɛ ndo li ni na ya apɔsɔ ti nɛngɔ ya, mɔ hɛ̃ gbinya mɛ agbɔ̃ bɛ azi​—Nz. 22:22.

• Se mɔ du na ngoi ko, ba video mɛ asi fãnani bere di ambeti ti fãnani mɛ asi na ni na lo tɛ azi zu, nga na ambeti mɛ ndo si kaya jw.org.

• Gi mbeti kɔi mɛ mɔ ndo ye ni gba, ngoi mɛndɛ̃ mɔ lengbi ti lingɔ bolukiluki na ndo kpale mɛ mɔ ndo, hũnda tɛrɛ mɔ na ndo na lo ni, bere na ndo tɛnɛ ti Ngbangɔ mɛ mɔ na gwɛ̃ ti hĩngangɔ ndo na ndoni gba. Ti nɛngɔ ya, mɔ hĩnga akpale gba ko, ba rubrique mɛ bɛli tɛnɛ ni apa ya, Explore la Bible! Mɛ kaya jw.org.