Ka ndo mɛ asu “Ba fãna ye” mɛ kaya JW Library nga na jw.org ko, mɔ na hũngɔ aye ti fãnani mɛ alo ti kpãngɔ ni. Ngasia la mɔ lengbi ti salelangɔ ni ti nɛngɔ ya, ta mɔ zanga ye kɔi ti fãnani ma nɛ?

• Na ngoi mɛ akpã mbeti ti fãnani ko, JW Library ndo si nga na mis à jour mbala kɔi. Na lo ni la se mbeti kɔi asi ka ndo mɛ asu “Ba fãna ye” ko, mu ni ti nɛngɔ ya, mɔ du na kpale ti fãnani. Na gesi mɔ lengbi ti dingɔ ambeti mɛ akpã ni ka bɛli ni (ando kpa ambeti niko na bangɔ omɛ asi fãnani).

• Ambeti mɛndɛ̃ mabere, Lamuka! bere Linɔngi ando du yɔngɔrɔni, ngoi gba ta kɔdɛ ti zo dingɔ ni zu na mbala kɔi ndo du da ma. Ti nɛngɔ ya, mɔ da na bɛ mɔ ya, ta mɔ dɛ mɔ onzi dingɔ ni ma ko, kpã ni ka ndo mɛ asu “Favoris” wa hã ni kai se du ya, mɔ onzi dingɔ ni.

Ambanga aye mɛndɛ̃ nga na ambanga akpale mɛndɛ̃ ko, ando kpã bo ni kaya jw.org, ta ni ndo si kaya JW Library ma. Ndo ba ngoi zu ndo mɛ asu “Ba fãna ye” ti nɛngɔ ya, mɔ hĩnga aye ti fãnani mɛ asi.