Ti nɛngɔ ya, ala lɛkɛ bombi ko, awa fangɔ tɛnɛ gba ndo salela JW Library, wa ala ndo hũ ya, adu nzɔ̃ni ya zo li kaya bɛli tɛnɛ kɔi ti Linɔngi ti Sinzili ti Mandangɔ mbala kɔi. Kanda Linɔngi ti Sinzili ti Mandangɔ ndo du ngoi zu na abɛli tɛnɛ mɛndɛ̃ mɛ ni nga na atɛ ti nyingɔ mɛ ngbondoni. Ngasia la, mɔ lengbi ti luangɔ abɛli tɛnɛ niko kaya JW Library ti nɛngɔ ya, mɔ lua anzɔ̃ kpale na lo ni nɛ?

• Ka nda atɛnɛ ti Mandangɔ ti Linɔngi ti Sinzili kɔi kɔi ko, mɔ lengbi ti hũngɔ ndo mɛ asu ya, “atɛnɛ mɛndɛ̃.” So ndoni ko mɔ lengbi ti hũngɔ-ndo mɛ asu ya “Atɛnɛ mɛndɛ̃ mɛ so ya mbeti mɛ.” Pɛtɛ so ndoko ti nɛngɔ ya, mɔ hũ atɛnɛ zu mɛ so ya mbeti niko, mɔ lengbi ti hũngɔ se mɛ adɔngɔ na abɛli tɛnɛ nga na animɛro ti tɛnɛ ti mandangɔ kɔi kɔi nga na atɛnɛ mɛndɛ̃ so ya ni. Wa pɔna bɛli tɛnɛ kɔi mɛ mɔ ye dingɔ ni.

• Ka ndo mɛ asu ya, “Accueil” na gesi “Nouveautés” ko, mu Linɔngi ti Sinzili ti fãnani zu mɛ asi. Zi ni, wa ba abɛli tɛnɛ zu mɛ ka da ti nɛngɔ ya, ta mɔ zanga dingɔ bɛli tɛnɛ kɔi ma.