Ipɔ. Tɛnɛ mɛndó Davidi tɛnɛ adu biani.

E ba tɛnɛ mɛ lo su kaya vɛrse mɛ ná kaya averse mɛndɛ̃ mɛ amangbi na ni. “Mbi na gondangɔ ili mɔ bwai na bwai na lége ti bia, wa mbi na tɔndɔngɔ kapa tɛ mbi bi zu.” “Oo Yehova Nzapa tɛ mbi, mbi na gondangɔ mɔ na bɛ mbi zu, mbi na hɛ̃ngɔ ili mɔ ndima ti bwai na bwai.” “Mbi na ngondangɔ ili mo ngoi zu nga bwai na bwai.”​—Nz. 61:8; 86:12; 145:1, 2.

Ngoi mɛndó Davidi su tɛnɛ olo ko, ta lo tɛnɛndó tɛnɛ mɛ aɔ nyɔ kpɔ ni ma, ta lo ndo dandó bɛ lo ya, lo na ngbãngɔ bwai na bwai kpingɔ ma. Lo hĩngandó ya, Yehova pando ya, azi na kpilingɔ ta sanga ma, ala du azi ti zangangɔ lengbingɔ. Davidi hĩnga ngandó ya, lo nga ka popo tɛ azi ti zangangɔ lengbingɔ. (Eba. 3:3, 17-19; Nz. 51:4, 5) Lo hĩngandó ya, azi ti loyengɔ mabere Abrahama, Yisaka ná Yakobo akpilindó. Hãngɔ ni zingɔ, lo hĩngandó ya, lo nga na kpingɔ. (Nz. 37:25; 39:4) Kanda tɛnɛ tɛ lo mɛ kaya Nzembo 61:8 afa gwɛ̃ ti kpengbani nga na ekateli mɛndó lo na ni ti gondangɔ Nzapa bwai na bwai, na ngoi zu mɛ lo na dungɔ lɛ lo ngɛ̃́.​—2 Sa. 7:12.

Ambanga aye mɛndó Davidi su ko, ni dundó akpale mɛndó lo tengbi na ni na ya dungɔ lɛ ngɛ̃́ tɛ lo, nga ma se mɛ elengbi ti hũngɔ na ni na ebandeli ti Nzembo 18, 51 ná 52. Kaya Nzembo 23, Davidi tɛnɛ ya, Yehova du wa batangɔ angasã gbaga mɛ ndo fa lége, ndo sa ngunu bɛ, wa lo ndo bata nga azi tɛ lo. Davidi du ngandó wa batangɔ ngasã ti ngaso. Lo yendó lingɔ kwa hɛ̃ Nzapa ‘bi zu’ mɛndó lo na dungɔ lɛ ngɛ̃́.​—Nz. 23:6.

Ta bɛ mɔ li na ni ma ya, Yehova ndo la ato Davidi ya lo su atɛnɛ mɛ zu. Atɛnɛ mɛndó lo su adundó prɔfesi ti akpale mɛ na lingɔ tɛrɛ lo na bi mɛ na gangɔ. Na ndakisa kaya Nzembo 110, Davidi atɛnɛndó tɛnɛ ti ngoi mɛ gbia tɛ lo na dungɔ ka ndo ‘kɔti ti Nzapa’ ka ndozu, wa lo na luangɔ lo-lengɔ gbia. Na lo ti nɛ? Na lo ti kpãngɔ awa kula tɛ Nzapa zu ka gbɛ ngɛlɛ lo, nga ti hɛ̃ngɔ tumbu hɛ̃ azi ti ndo lɛ sese zu. Davidi ndó kaya linɔ ti ndasewa tɛ zo niko, afa Masiya mɛ na lengɔ gbia ka ndozu, wa lo na dungɔ “kota nganga Nzapa ti bwai na bwai.” (Nz. 110:1-6) Yezo tɛnɛndó ya; prɔfesi mɛ kaya Nzembo 110 abandó lo, wa ni na tingɔ na seni na bi mɛ na gangɔ.​—Mat. 22:41-45.

Biani, na lége ti Nyingɔ vurú tɛ Nzapa, Davidi sundó atɛnɛ mɛ ndo li tɛrɛ lo na ngoi tɛ lo, wa ni na lingɔ nga tɛrɛ lo na ngoi mɛ na gangɔ, ngoi mɛ gbanda lo na songɔ wa lo na luangɔ ngunu ti vɔrɔngɔ Yehova bwai na bwai. Gbɔ̃ngɔ nda tɛnɛ mɛ aza e ya, e hĩnga ya Nzembo 37:10, 11, 29 atindó na seni na ngoi mɛndó asu na ni, wa ni nga na tingɔ na seni na ngoi mɛ na gangɔ. Avɛrsɛ niko atindó na seni na ngoi tɛ ayangambi ti Izraɛlɛ wa ni nga na tingɔ na seni ge lɛ sese na bi mɛ na gangɔ, na ngoi mɛ Nzapa na kokisangɔ akapa tɛ lo.​—Ba tɛnɛ mɛ “Mɔ na dungɔ ndoni kɔi na mbi ka Paradizo” so ya mbeti mɛ.

Na lo ni la, Nzembo 61:8 ná averse mɛndɛ̃ mɛ amangbi na ni ando fa ya, Davidi ndó na gwɛ̃ ti gondangɔ Yehova ka Izraɛlɛ ti gã tee ka ngoi mɛ lo na kpingɔ na ni. Ni ndo fa nga akpale mɛ Davidi na lingɔ na bi mɛ na gangɔ, na ngoi mɛ gbanda Yehova na songo lo na kwa.