Kɔli kɔi ná ya lo, mɛ amɛsɛnɛ na dingɔ pandɛ ti dungɔ lɛ ngɛ̃́ tɛ ayata bi zu atɛnɛ ya: “Apandɛ niko ndo sa ngunu bɛ e mawoma wa ni ndo hɛ̃ nga e dengɔ bɛ! Ando za nga e, ya, e hĩnga ya, elengbi nga ti ngbãngɔ mbilimbili se du ya, e tengbi na pɛnɔ.” Nyita wali mɛndɛ̃ tɛnɛ nga ngaso na lo ni: “Apandɛ ti dungɔ lɛ ngɛ̃́ niko ndo wamba bɛ mbi, ando hɛ̃ nga mbi ngunu. Ayata kɔli ná ayata wali na dungɔ lɛ ngɛ̃́ mɛ na tina nga ngbondoni gba. Pandɛ tɛ ala ndo sa ngunu bɛ mbi ya, mbi hɛ̃ tɛrɛ mbi gba na ya kwa ti fangɔ tɛnɛ, wa mbi zã nga ayati mbi ya, ala li kaya kwa ti ngoi zu, so lengɔ kwa hɛ̃ Yehova.”

Apandɛ ti dungɔ lɛ ngɛ̃́ tɛ ayata alengbi ti zangɔ mɔ ya, mɔ kpã mɔkanɔ ti nyingɔ, wa mɔ landa nga ni, mɔ nwɔ nzɛ̃ngɔ, mɔ gbe bɛ mɔ na ya akpengba kpale na ge ge ge zu, mɔ bata nga na dengɔ bɛ tɛ mɔ, wa mɔ ngbã mbilimbili. Mɔ lengbi ti luangɔ pandɛ ti dungɔ lɛ ngɛ̃́ tɛ ayata ngasia?

• Ba bɛli tɛnɛ mɛ “Pandɛ ti dungɔ lɛ ngɛ̃́ tɛ Atɛmwɛ tɛ Yehova” kaya jw.org bere su “Pandɛ ti dungɔ lɛ ngɛ̃́” kaya WATCHTOWER BIBLIOTƐKƐ TI YA INTERNET.