Se mɛ akambisa na vɛrse kɔi alengbi ti zangɔ mɔ ya, mɔ hĩnga Tɛnɛ tɛ Nzapa nzɔ̃ni. Ni lengbi ti kambisangɔ kpale ti verse kɔi ti ya Ngbangɔ, nda mɛ asu na ni, bere ni lengbi nga ti kambisangɔ nda tɛnɛ kɔi mɛ atɛnɛ ni kaya Ngbangɔ yangondo.

Bibliotɛkɛ TI YA INTERNET nga na JW Library alengbi ti zangɔ mɔ ya, mɔ lua mbala kɔi mbeti bere vɛrse ti ya Ngbangɔ na lége ti ambeti mɛ ndo kambisa tɛnɛ ti ya Ngbangɔ kaya Buku ya bolukiluki. ambeti zu mɛ mɔ ndo di ko, mɔ lengbi ti luangɔ ambeti mɛ ndo kambisa nda avɛrse mbala kɔi ka ndo mɛ asu Etude.

Ngoi mɛ mɔ ndo di mbeti kɔi mɛ ndo kambisa nda vɛrse ti ya Ngbangɔ ko, ndo kpã lɛ mɔ na ndo bi nzɛ mɛ asi na ni. Ando kpã ambeti mɛ asi fãnani ka bɛli ni, wa ti gã ka gbɛda ni. Hĩnga ya, ngoi mɛndɛ̃ alengbi ti gbinyangbingɔ hangɔ lo mɛndó e si na ni kaya ambeti ti gã.

• Se du ya, mɔ ndo gi vɛrse kɔi kaya Watchtower BIBLIOTƐKƐ TI YA INTERNET ko, buku ya bolukiluki na singɔ na ambeti mbala kɔi na bɛ lo ka ndo mɛ asu Etude.

• Kanda kaya JW Library ko, ta buku ya boluki luki na singɔ na bɛ lo ma. Ayɔ ya, mɔ nvɛ̃ni mɔ mu ni, wa mɔ kpã nga mis-a jour fãnani. Mɔ lengbi ti lingɔ ni na lége ti butɔ mɛ ka ndo lɛ eteni mɛ asu ya: Etude ti shapitrɛ kɔi kɔi ti ya Ngbangɔ.