MANDANGƆ NGBANGƆ
Du na dungɔ lɛ ngɛ̃́ bwai na bwai!
Na ya mandangɔ Ngbangɔ na zo gɛgɛrɛ, mɔ na luangɔ agbinya ti ahũda mɛ:
Ngasia la, mbi lengbi ti luangɔ dengɔ bɛ na ya dungɔ lɛ ngɛ̃́ tɛ mbi nɛ?
Mɔbulu ná pɛnɔ na wɛngɔ gbanda lá kɔi?
Mbi e na azi tɛ mbi mɛ akpili, e na hũngbingɔ fãni mɛndɛ̃?
Nzapa ndo kpã bo lɛ lo ndo mbi nvɛ̃ni?
Ngasia la, mbi lengbi ti lingɔ sambela wa Nzapa ma mbi nɛ?
Hangɔ zo na Ngbangɔ gɛgɛrɛ
Mɔ na mandangɔ Ngbangɔ gɛgɛrɛ, na lége ti buku Du na dungɔ lɛ ngɛ̃́ bwai na bwai! Nga na Ngbangɔ kɔi se du ya, mɔ na gwɛ̃ ni.
Nzɔ̃ni
Mɔ lengbi ti mandangɔ ni kaya da tɛ mɔ na lége vídeo—na ya nyi ngoi, na bangɔ ndo nga na ngoi mɛ bɛ mɔ ye.
TA NA GBƆ̃NGƆ MƆ NA NGUNU MA
Mɔ lengbi ti ziangɔ mandangɔ Ngbangɔ ngoi zu mɛ bɛ mɔ ye—ta na gbɔ̃ngɔ mɔ na ngunu ma.
Ngasia la, e ndo manda azi na Ngbangɔ nɛ?
Zo kɔi mɛ wa hangɔ tɛnɛ na zangɔ mɔ ti nɛngɔ ya, mɔ manda ye mɛ Ngbangɔ ndo ha, na ndo kpale kɔi na kɔi. Mandangɔ Ngbangɔ na lége ti buku Du na dungɔ lɛ ngɛ̃́ bwai na bwai! na zangɔ mɔ ya, mɔ hĩnga tɛnɛ mɛ Ngbangɔ ndo tɛnɛ yɛkɛ yɛkɛ nga na se mɛ ni na zangɔ mɔ. Ti nɛngɔ ya, mɔ hĩnga akpale mɛndɛ̃ gba ko, ba vidéo mɛ bere ambanga hũnda mɛ azi ndo hũnda ngoi zu na omɛ aba hangɔ azi na Ngbangɔ.
Mɔ ye hĩngangɔ aye mɛ mɔ lengbi ti salelangɔ
Bi lɛ mɔ na ndo wangɔ ti ebandeli ti bandangɔ Ngbangɔ.
Mɔ dã ti tarangɔ ni?
Pɛtɛ na ndo butɔ̃ ti nɛngɔ ya, mɔ kpã prɔgramɛ tɛ mɔ ti uzu ti mandangɔ Ngbangɔ.