ATHOONYERYI Aakhalavo athoonyeryi wi yookhaviheryeeni. Ninnoovekaani wi munawiiwelela phaama, mucharihaka ohoolela waya vooloca sa nipuro na soowela, wookiraathivo ni miyaha mikina.

MIPACO Ninnoovekaani wi mwaathokororyeke akina. Mwaavye nipuro pahiru wa yaale muruulaanyuno vamoha, munakhalaanyuno vamoha, naari ale munaahusihaanyu Piipiliya. Ninnoovekaani wi muhiheleke ichu va mpaco muhinahaalaanyu okiraathivo.

MUTEKO WAWIIVELEELA Wakhala wi munnachuna okhaviherya muteko va muthukumano yoola, ninnoovekaani wi mwaloce o nipuro na Muteko Wawiiveleela.

NIKHAVIHERYO NOOPACERYA Suwelani wi nipuro nla nnakhaviherya soophacuwa soohiwehereryeya pahiru.

OPATISO Mipaco wa yaale anaya opatisiwa sinahaala okuhiwa ohoolo yaahikhalavo yooleeliherya ekina. Ale anaya opatisiwa anaphwanela okiraathi mmipaco seiha ohaakumve mwaha wa opatiso, Nawoorowa wooxixelo. Muchu ti muchu onaphwanela oruuha etuwalya awe ni yoowara yoophwanelela.

SOORIMEELA NI SOOCOCIWA Ichu soothene inacociwa inaphwanela okerihiwa o nipuro na Soorimeela ni Soocociwa. Wakhala wi ehoorimeelani echu muye onipuro nenla wi mwaavye echu anyu. Anamwane arimeeliwe asitiithi aya anaphwanela okerihiwa o nipuro nenla. Muhuupuwele wi nla nipuro na waakhapelelawo anamwane. Ninnoovekaani wi muhaahiyeke anamwane anyu ocai.

SOOVELEELA Soophariheliwa ikhorowa sincipale wi sikhalevo mipaco, ikhankoonya sa sooruma ni sa wooniha ixilema, vamoha ni ichu ikina sinakhaviherya wi muthukumano ola okhale wa mphurelo, nave wi onikhaviherye omwaacamela Yehova. Sooveleela sanyu soochuna sinnakhaviherya omaliha soothowa seiha ni okhaviherya muteko wa elapo yoothene. Va nipuro nenla sookhalavo ikaaxa sa sooveleela. Nyuwaano tho munanwerya opaka sooveleela moorweela wa ovolowa mu esaiti donate.pr418.com. Sooveleela sanyu sinnathamaleliwa vancipale. Chiryene, Nikhuuru Noolamulela ninnathamalela mahala anyu a okhaviherya soothowa sa Omwene.