Simanle iyaakha 4026 E.E.K.

“Enowa” yaahaakaaha ophwanelela ni mukhalelo wa olamulela wa Yehova. Yehova aaloherya oruuha “nloko” naari muyareriwo, yoowo waahaala wiipha enowa, Satana. (Maphatxuwelo 3:1-5, 15) Nyenya, Yehova oheemererya elukuluku wi achu yiilamuleleke meekhaaya ehooleliwaka ni enowa naari Satana.

1943 E.E.K.

Yehova aamuleela Aparahamu wi “nloko” naari muyareriwo waalaiheryiwe waahaala orweela mu nihimo nawe.—Maphatxuwelo 22:18.

Simanle iyaakha 1070 E.E.K.

Yehova aamuleela Mwene Tavite nave ohoolo waya mwanawe Solomoni wi “nloko” naari muyareriwo waahaala orweela mu nihimo nawe.—2 Samuwele 7:12, 16; 1 Mamwene 9:3-5; Isaiya 9:6, 7.

29 E.K.

Yehova aamuthoonya Yesu wi taari muyareriwo waaloheryiwe yoowo ori mukelampa wa munyukhu wa Tavite.—Galasya 3:16; Luka 1:31-33; 3:21, 22.

 33 E.K.

Satana, naari enowa, yaaluma nsica na “nloko” naari muyareriwo waaloheryiwe moorweela wa omwiipha Yesu. Yehova aamviiha Yesu ntakhara okumi wirimu nave aahaakhela esisapo ya ekumi yoophaameya ya Yesu yeeyo enavaha mathipelo a okhurumuweliwa soocheka, ni ohula mphiro wi anamwane a Atamu yaakhele ekumi yoohimala.—Maphatxuwelo 3:15; Saweriwa T’arummwa 2:32-36; 1 Korinto 15:21, 22.

Variyari va 1914 E.K.

Yesu oomvonyerya Satana veelaponi yavathi, nave owo ohanleno elukuluku yavakhaani.—Wupulula 12:7-9, 12.

Muhoolo

Yesu onahaala omuwalela Satana mu iyaakha masana khumi nave voocharela onahaala omutoloxa, ophoreiha muru woosiphela. Yookhwela yoopacerya ya Yehova ntakhara elapo yavathi ni achu enahaala waakhwanela, nsina nawe nnahaala weelihiwa, nave mukhalelo wa olamulelo awe onahaala ocicimihiwa.—Wupulula 20:1-3, 10; 21:3, 4.