MWAHA 02
Piipiliya Onnaroromeliha Omwaahiyu Woohakalaliha
Achu ancipale orukurerya elapo annahoolela makacamiho yaawo anaweeriha okhala oothanana, awuukhuwa, nave tho ophiyerya woona wiicela. Apwanne montoko ohoolela makacamiho yaawo yaweerinheeni woona mmukhalelo yoola? Akhweya munnahooxeya nthowa na ereca naari nthowa nawi moomuyeleela oosiveliwa anyu mookhwani. Akhweya nyuwaano munniikoha, ‘Apwanne ekumi enarwa ekhala phaama?’ Piipiliya onnavaha naakhulo noohakalaliha vooloca sa nikoho nenla.
1. Piipiliya onavahererya hai ewehereryo?
Tahi wi pahiru Piipiliya onanleela mathowa yaawo yeerinhe wi veelaponi esareyevo makacamiho, nyenya tho onnanleela michaka yaphaama wi makacamiho yaala ta elukuluku vakhaani nave wi moohilekela anahaala omala. Soororomeliha sa Mpiipiliyani inanwerya “wovahani muretxele mahiku a mmwahiyu.” (Mwaalakhanye Yeremiya 29:11, 12, BNM.) Soororomeliha seiha sinnanikhaviherya ovilela ni makacamiho a mutano, okhalano moonelo woophwanelela, ni ophwanya ohakalala woohimala.
2. Ichu taani inahaala weereya muhoolo seiyo Piipiliya onaloceiye?
Piipiliya onnaloca wi muhoolo “horwa tho okhalavo okhwa, naari winla, naari ikucho, naari wiicela.” (Mwaalakhanye Wupulula 21:4.) Makacamiho yaawo anaweeriha achu ohikhalano ewehereryo olelo—ntoko ohaawa, ohookololowa, wiiceliwa ni okhwa herwa tho ekhalavo. Piipiliya onnaroromeliha wi achu anahaala opuha okumi okhala wookhala mu Parataiso veelaponi yavathi.
3. Muni muroromele hai wi soororomeliha sa Mpiipiliyani sinahaala weereya?
Achu ancipale annawehererya wi ichu saphaama inahaala weereya, nyenya awo hanaroromela wi ewehereryo aya enahaala waakhwanela. Yeeyo Piipiliya onaroromeliheiye ti yoohiyana. Nnanwerya olipiha nroromelo nahu mwa yeeyo Piipiliya onaloceiye moorweela wa ‘walikhela m’sorepa.’ (Saw. 17:11, NN.) Vaavaa munamuhuseryaanyu Piipiliya, munahaala okhala ooreheryeya olakelela waakhanle wi munanwerya weemererya yeeyo onaloceiye sa omwaahiyu.
OHUSERYA MWAWIISEELA
Muthokororye ichu seiho Piipiliya onaroromeliheiye ntakhara omwaahiyu. Moone mukhalelo ewehereryo ya Piipiliya enaakhaviheryaaya achu olelo.
4. Piipiliya onnaniroromeliha wi nnanwerya okhalano okumi woohimala ohirivo makacamiho
Moone elista enacharela ya soororomeliha inaphwanyeya Mpiipiliyani. Yoororomeliha taani wa seiha eri yoochuneya wa nyuwaano? Nave ntakhara heeni eryaaya yoochuneya wa nyuwaano?
Mwaalakhanye soorepa iromoliwe inaloca sa soororomeliha, nave voocharela muthokororye makoho ala:
-
Mano munoona wi soororomeliha seiha sinnavaha ewehereryo? Apwanne sinanwerya waavaha ewehereryo amusi ni asinthamwene anyu?
Mwaanyiherye mukhalaka mu elapo yeeyo oni
|
AHIKHALEVO MUCHU ONAHAALA OHOOSEYAKA NI ICHU INACHARELA . . . |
MMOHA TI MMOHA ONAHAALA . . . |
|---|---|
|
|
|
|
|
|
|
|
|
|
5. Soororomeliha sa Piipiliya sinanwerya otoroka moonelo anyu
Achu ancipale annaceecheya ophiyerya tho okhala oonyeenyeya nthowa na makacamiho yaawo anahoolelaaya. Akina anniilipiserya wi etoroke ichu wi ikhale phaama. Moone mukhalelo yoororomeliha ya Mpiipiliyani yawi ichu inahaala okhala phaama enaakhaviheryaaya achu olelo. Moone EXILEMA, nave voocharela muthokororye makoho anacharela.
-
Mu exilema yeela, ohookololowa taani waamuukhula Rafika?
-
Naamwi ohookololowa yoowo ooneiye wahimanle, ti mwawiihai Piipiliya aamukhavihenryeiye?
Ewehereryo yeeyo Piipiliya onavahereryeiye vooloca sa omwaahiyu enanwerya onikhaviherya owaniha ni oceecheya ni ovilela ni makacamiho ahu mwaphaama. Mwaalakhanye Masiposipo 17:22 ni Aroma 12:12, nave voocharela muthokororye makoho ala:
-
Waakhanle wi munnaroromela yeeyo Piipiliya onaloceiye vooloca sa muhoolo, munnoona wi okumi anyu onahaala okhala phaama hiihaano? Ntakhara heeni munuupuwelaanyu hiiha?
ACHU AKINA ANI: “Yeeyo Piipiliya onaloceiye sa omwaahiyu ti yoophwanela ororomeliwa.”
-
Ntakhara heeni ti woochuneya wi mwaalikhele sawooniherya?
MUKWASU
Piipiliya onnanivaha ewehereryo nave onnanikhaviherya ovilela ni makacamiho moorweela wa olaiherya omwaahiyu woohakalalihaxa.
Makoho awuuluulela
-
Ntakhara heeni achu annachuna osuwela vooloca sa soororomeliha sa Muluku?
-
Tiheeni Piipiliya onaloceiye sa omwaahiyu?
-
Ti mwawiihai okhalano ewehereryo vooloca sa omwaahiyu ennookhaviheryaani hiihaano?
OTHOLATHOLA
Muhuserye mukhalelo ewehereryo eneeraaya yookhaviheryeeni vaavaa munahoolelaanyu makacamiho.
“Onde você pode encontrar esperança genuína?” (Vinyani!, 22 a Apirili, a 2004, a Ekunya)
Moone mukhalelo ewehereryo ya muhoolo eneeraaya yaakhaviherye yaale arino ereca yoohipenuxeya.
Vaavaa munoonaanyu ncipo mmukhalelo wa exilema, mwiisaanyiherye muri ni amusi anyu mpuhaka ekumi Mparataiso a muhoolo yoowo Piipiliya omuroromelinheiye.
Mwaalakhanye mukhalelo waatoroken’yaaya okumi wa muchu yoowo aawaniha ntakhara otaphuwa wa axinama ni achu vaavaa aahusenryeiye ewehereryo ya Mpiipiliyani vooloca sa omwaahiyu.
