Aciye
Ntakhara heeni okhala muciye onanwerya wooniwa moophwanelela ntoko yamahala?
Ntakhara heeni yaahaala okhala yoonanara omukhinyererya Mukristu yoowo ori muciye wi athele naari otheliwa?
Sootakiherya sookhweleya sa Mpiipiliyani:
Aro 14:10-12—Murummwa Paulo aathariha ntakhara heeni ti yoonanara omuthoriha munnihu a munroromeloni
1Ako 9:3-5—Murummwa Paulo aahikhalano owerya wa othela, nyenya nthowa na otitelela okhala muciye, owo aahitikitheryeya mmuteko awe wa olaleerya
Apwanne aciye anaphwanela wuupuwelaka wi, wi ekhale oohakalala enaphwanela othela naari otheliwa?
Sootakiherya sookhweleya sa Mpiipiliyani:
Amut 11:30-40—Mwaana a Yefite aari muciye nave aahikhalano ekumi yoohakalaliha amurumeelaka Yehova mu empa ya Muluku
Saw 20:35—Yesu hantonko othela nyenya masu awe annooniherya wi owo aari oohakalala wanthowa na ichu seiyo aaweereleiye akina
1Ate 1:2-9; 2:12—Murummwa Paulo, mulopwana yoowo aari muciye, oothariha sookhumelela saphaama ni ohakalala aareiyeno mu orummwa awe
Ntakhara heeni aciye vamoha ni alapeli oothene a Muluku, anaphwanelaaya otitelela wooniherya meecelo aweela?
1Ako 6:18; Aka 5:19-21; Aef 5:3, 4
Sootakiherya sookhweleya sa Mpiipiliyani:
Mas 7:7-23—Mwene Solomoni oothariha makuchuwelo oonanara a mmiravo yoowo eemerenrye ohuwelihiwa ni muthiyana a mararuwo
Nci 4:12; 8:8-10—Namwali o Sulami aahicicimihiwa nthowa na otitelela okhala aweela
Mmikhalelo taani waahaalaaya okhala wa miruku muciye waalikhela waakhanle wi yaamukhala phaama othela naari otheliwa?
Moone tho 1Ate 4:4, 5
Akhweya Tho Mwaahaala Osiveliwa
OHUSERYE MIYAHA SA PIIPILIYA
Nlakano na Yefite
Nlakano taani Yefite onapakeiye? Nave ntakhara heeni? Mwaana a Yefite aakhulenle hai nlakano na atiithi awe?
HIYAANO NAANI
Oveka Oxekuryiwa
Ovaanela vooloca sa nikoho na Mpiipiliya, naari muhuserye sincipale vooloca sa Anamoona a Yehova.
