Alipa Ooyara
Soolakelela taani sikina saamweerinhe Yehova opaceryiha othela?
Map 1:27, 28; 2:18, 20-24
Ti mwawiihai asitiithi anaphwanelaaya owoonaka anamwane aya?
Moone tho “Anamwane; Amiravo”
-
Sootakiherya sookhweleya sa Mpiipiliyani:
-
Map 33:4, 5—Yakopo aawoona anamwane awe ntoko mareeliho oorweela wa Yehova
-
Muk 1:15, 16, 22; 2:1-4; 6:20—Amurami ni Yokepeti yaahikhala asitiithi a Mose nave yaahihela ekumi aya va yawoopiha wi emukhapelele
-
Murici taani asitiithi aryaayano ntakhara anamwane aya?
Malam 6:6, 7; 11:18, 19; Mas 22:6; 2Ako 12:14; 1Tim 5:8
-
Sootakiherya sookhweleya sa Mpiipiliyani:
-
1Sam 1:1-4—Elikana aanakuxa emusi awe aayaaka o ifesta o Silo, nave aaniilipixerya wi anamwane awe oothene ehooceele oyawo
-
Luka 2:39, 41—Yosefe ni Mariya yaahikhalano yookhovelela ya opaka mukwaha ovinya o Nasareti eyaaka o Yerusalemu ntakhara Paska
-
Ntakhara heeni ti waphaama waavyakiha anamwane mu iphiro sa Yehova?
Moone tho 2Tim 3:14, 15
-
Sootakiherya sookhweleya sa Mpiipiliyani:
-
1Sam 2:18-21, 26; 3:19—Asitiithi a Samuwele yaahimveleela wi arumeeleke mu tapernaakulu, nyenya awo yaanamuxekurya moohihiyererya wi emukhapelele yoowo; Samuwele aahinnuwa akhala mulopwana yoowo aamusivela Yehova ni omurumeela moororomeleya
-
Luka 2:51, 52—Yesu aahititelela owiiwelela asitiithi awe naamwi yaari oohiphaameya
-
Ti woowi asitiithi anahaalaaya ophwanyawo malakiheryo wi yaaphuwe anamwane aya?
Malam 6:4-9; Aef 6:4; 2Tim 3:14-17
Moone tho Sal 127:1; Mas 16:3
-
Sootakiherya sookhweleya sa Mpiipiliyani:
-
Amut 13:2-8—Vaava Manowa aasuwenleiye wi owo ni amwaariye yaahaala okhalano mwaana mootikhiniha, aahimveka Yehova malakiheryo awaaceererya vooloca sa omphuwa mwaana
-
Sal 78:3-8—Yehova onachuna wi asitiithi yaahusihe anamwane yeeyo awo ahusenryaaya Mpiipiliyani
-
Ntakhara heeni mwaana onanwerya olakelela ohimurumeela Yehova, naamwi aphwiiwale mu emusi yeeyo enamusivela Muluku?
Ese 18:1-13, 20
-
Sootakiherya sookhweleya sa Mpiipiliyani:
-
Map 6:1-5; Yuta 6—Moohipwacha omaliha iyaakha sincipale ni Yehova wirimu, anamwane ancipale oomunepani a Muluku yaahithanla omwareya
-
1Sam 8:1-3—Naamwi Samuwele aari mulipa a miririmu awookololowa, anamwane awe yaari oohiroromeleya ni a makhwankwa
-
Ti liini asitiithi anaphwanelaaya opacerya waahusiha anamwane aya vooloca sa Yehova?
-
Sootakiherya sookhweleya sa Mpiipiliyani:
-
Malam 29:10-12, 29; 31:12; Estr 10:1—Vaavaa Aisarayeli yaathukumanaaya wi ehuserye sa Yehova, yaanaakuxa anaaya wi awo tho ewerye ohuserya
-
Luka 2:41-52—Yosefe ni Mariya yaahikhalano yookhovelela ya waakuxa anaaya ophitaanyerya Yesu, ntakhara efesta ya Paska mu empa ya Muluku o Yerusalemu
-
Yootakiherya taani asitiithi anaphwanelaaya ochariha vooloca sa waakhapelela anamwane wa achu yaawo anachuna waapakela ichu soonanara?
-
Sootakiherya sookhweleya sa Mpiipiliyani:
-
Muk 19:4; Malam 32:11, 12—Yehova ohiilikanyiha ni saaka yoowo onaakhapelela asaana awe, waateexa ni owaakiha
-
Yes 49:15—Naamwi maayi amucuwalaka mwanawe, Yehova oororomeliha wi harwa aacuwala alapeli awe nave wi ilukuluku soothene onahaala waakhapelela yaawo
-
Mat 2:1-16—Satana eereryaka omwiipha Yesu ari nikwiya, aahaahoolela alipa a miruku oya vaate va mwene oonanara murima Heroti, nyenya Yehova aahimukhapelela Mwanawe orweela wa omuleela Yosefe wi athaame ni emusi awe eye o Yikuputu
-
Mat 23:37—Yesu aahilikanyiha nchuno nenlo aareiyeno na waakhaviherya achu awe ni mukhalelo mwanakhu onaathukumanyeiye asaana awe mmakuphelo awe
-
Ntakhara heeni asitiithi anaphwanela waahusiha anamwane aya vooloca sa okonihana?
-
Sootakiherya sookhweleya sa Mpiipiliyani:
-
Onam 15:2, 3, 16, 18, 19; Malam 31:10-13—Nlamulo na Mose naanathariha mookwakwaleya vooloca sa okonihana, nave Yehova aahithariha wi anamwane yaaphwanela okhalakavo vaavaa Nlamulo nno naalakhanyiwaaya moovuwa
-
Sal 139:13-16—Namarepa a salmu Tavite aahimuthamala Yehova sa mukhalelo Owo opatunseiye mwiili wa muchu, ophitaanyerya mukhalelo wa oyara
-
Mas 2:10-15—Masuwelelo ni miruku sa Yehova sinanwerya onikhapelela wa achu oowoka ni aweera soonanara
-
Ntakhara heeni asitiithi anaphwanela waalaka anamwane aya moosivela?
Mas 13:24; 29:17; Yer 30:11; Aef 6:4
Moone tho Sal 25:8; 145:9; Ako 3:21
-
Sootakiherya sookhweleya sa Mpiipiliyani:
-
Sal 32:1-5—Naamwi Mwene Tavite oonne ohokola nthowa na olakiwa ni Yehova, owo aahitaphuwa vaavaa aasuwenleiye wi Yehova onnaakhurumuwela yaale anacharuwa mweeparipari soocheka saya
-
Yona 4:1-11—Mulipa a miririmu Yona aahitepa onyeenyeya ophiyerya oloca masu oohicicimiha wa Yehova; naamwi hiiha, Yehova aahimuhusiha moopisa murima nihusiheryo na okhala a ikharari
-
Ntakhara heeni nnanwerya oloca wi olaka mukhalelo mmoha wa osivela?
Moone tho Mas 15:32; Wup 3:19
Akhweya Tho Mwaahaala Osiveliwa
VINYANI!
Ichoko Soohakalala—Ntakiheryo
Waakhala wi munachuna wi masu anyu yaatannye aniinyu, anaphwanela okhala a wiiwanana ni saweera sanyu.
HIYAANO NAANI
Oveka Oxekuryiwa
Ovaanela vooloca sa nikoho na Mpiipiliya, naari muhuserye sincipale vooloca sa Anamoona a Yehova.
