Sootakiherya sookhweleya sa Mpiipiliyani:

• Sal 78:1-8—Aisarayeli yaakhalano murici wa waaleela anamwane aya mukhalelo achu a Muluku yaapankaaya ichu khalai; mu weerano hiihaa anamwane aya yaahaala ohuserya omuroromela Yehova nave hiyaahaala omwareya

• Luka 2:51, 52—Yesu aari oophaameya nyenya naamwi hiihaa owo aanawiiwelela asitiithi awe oohiphaameya variyari va omiravo awe woothene

Sootakiherya sookhweleya sa Mpiipiliyani:

• Malam 21:18-21—Mwawiiwanana ni Nlamulo na Mose, mwaana yoowo aakhala oohileeleya ni awiikhoma ahiwiiwelelaka apapa awe ni amama awe, aanalakiwa moorweela wa wiiphiwa

• 2Mam 2:23, 24—Nikhuuru na amiravo akhaani hiyaamuciciminhe Eliseu yoowo aari mulipa a miririmu a Muluku, mwa yeeyo ancipale a yaawo yaahiiphiwa ni a ursu eeli eethiyana

Sootakiherya sookhweleya sa Mpiipiliyani:

• Onam 26:9—Wa Aisarayeli, okhalano anamwane yaari eneneeryo ya mareeliho a Yehova

• Yupu 42:12, 13—Naamwi aahooxen’ye vancipale Yupu aakhala oororomeleya wa Yehova, nave wa nthowa na yeeyo Yehova aahimureeliha owo ni amwaariye moorweela wa omvaha anamwane akina khumi

Sootakiherya sookhweleya sa Mpiipiliyani:

• Map 27:41; 33:1-11—Yakopo aahiilipixerya vancipale wi amucicimihe munna awe Esawu ni opaka murecele ni yoowo, nave Esawu aahaakhulela phaama moorweela wa omukookiherya osivela

 Sootakiherya sookhweleya sa Mpiipiliyani:

• Map 11:31, 32—Vaavaa aathaameiye o Uri, Aparahamu aahaakuxa apapa awe Tera nave aahaakhapelela yaawo ophiyerya okhwa waya

• Mat 15:3-6—Yesu aahithariha Nlamulo na Mose wi ooniherye wi anamwane yunnunwe anaphwanela waakhaviheryaka asitiithi aya vaavaa awo anachunaaya nikhaviheryo