Okhala Oororomeleya

ORUMIHA

Okhala Oororomeleya

Okhala oororomeleya tiheeni?

Sootakiherya sookhweleya sa Mpiipiliyani:
- Onam 22:17-22—Yehova aachuna wi enama yeeyo yaavahiwa ntoko mukucho ekhaleke ‘yoohirakala’, naari wi yanteero, ehirino nihoonya nri noothene. Mu Ehepiri masu awi ‘yoohirakala’ anniiwanana phaameene ni masu awi “okhala oororomeleya,” yooniheryaka wi ororomeleya wahu onnavolowela wiiveleela ni murima woothene, naari wi mwawaakhwanela wa Yehova
- Yupu 1:1, 4, 5, 8; 2:3—Yootakiherya ya Yupu ennooniherya wi, wi muchu eeriwa okhala oororomeleya, owo onaphwanela okhalano ncicimiho nawiiseela wa Yehova, omulapela yoowo ni murima woothene ni wiica yeeyo eri yoonanara vamiithoni Vawe

Moone tho Mar 12:30

1Math 29:17; Mas 2:7

Yos 24:14, 15; Sal 101:2-4

Moone tho Malam 5:29; Yes 48:17, 18

Sootakiherya sookhweleya sa Mpiipiliyani:
- Yupu 31:1-11, 16-33—Nihiku ti nihiku, Yupu aahikhalano meecelo oororomeleya, ahiivoliiheryaka mu ocapaheya nave ilukuluku soothene aakhalihaka akina mooreera murima ni mwa ncicimiho. Owo haaphitaanyerya omulapa wawe Yehova ni olapela soophwaniherya nave haari awiithukumanyerya
- Tan 1:6-21—Naamwi yaarukureryiwe ni achu yahaamurumeela Yehova, Taniyeli ni asinthamwene awe araru yaahititelela ororomeleya ophiyerya tho vooloca sa othanla soolya

Sootakiherya sookhweleya sa Mpiipiliyani:
- 1Mam 9:2-5; Sal 78:70-72—Woona wi Mwene Tavite aahicharuwa, Yehova aahimukhurumuwela nave aanamoona ntoko muchu oororomeleya
- Yes 1:11-18—Yehova aahaaleela achu awe wi yaari anawiisootherye ni oosareya soocheka, nyenya owo aahaaroromeliha wi, wakhala wi awo aacharuwa ni ohiya opaka yeeyo eri yoonanara Owo aahaala waakhurumuwela