Sootakiherya sookhweleya sa Mpiipiliyani:

• Sal 78:40, 41; 106:36-46—Aisarayeli yaanamuthananiha Yehova mu ikwaha sincipale nto Owo aanaakhurumuwela wiili-wiili

• Luka 15:11-32—Yesu aahiphwanaphwaniha okhurumuwela wa Yehova, vaavaa aatharinheiye mukhalelo tiithi a ikharari aamukhalinheiye mwanawe yoowo aacharunwe ichu soonanara aapankeiye

Sootakiherya sookhweleya sa Mpiipiliyani:

• Ahe 9:22-28—Murummwa Paulo aahithariha wi Yehova onanwerya okhurumuwela soocheka sahu wanthowa na mukucho wa Yesu

• Wup 7:9, 10, 14, 15—Murummwa Yohani aahoona “muloko mutokotoko” yoowo waarino meecelo aweela vamiithoni va Muluku, wa nthowa na nikhami na Yesu

Sootakiherya sookhweleya sa Mpiipiliyani:

• Yupu 42:7-10—Ahaakumve ompenuxa ni omureeliha, Yehova aachuna wi Yupu aavekelele toko alopwana yaale yaalonce ichu soonanara wa yoowo

• Mat 18:21-35—Nniphwanaphwaniho nenla, Yesu aahooniherya ochuneya waya waakhurumuwela akina wakhala wi hiyaano tho ninnachuna okhurumuweliwa

Sootakiherya sookhweleya sa Mpiipiliyani:

• Sal 32:1-5; 51:1, 2, 16, 17—Mwene Tavite aahikhulumuwa nave aahithananaxa wa nthowa na soocheka sawe itokweene nyenya aahicharuwa ni murima woothene

• Tiy 5:14-16—Tiyaku aahithariha wi wakhala wi noopaka yoocheka etokweene, nnaphwanela olokoha wa atokweene

 Sootakiherya sookhweleya sa Mpiipiliyani:

• 1Mam 21:27-29; 2Math 18:18-22, 33, 34; 19:1, 2—Vaavaa aasuwenleiye wi aahaala olakiwa, Mwene Akape aahiiyeviha nave Yehova aahilakelela ohimuthoriha yoowo; nyenya woona wi Akape haawoonihenrye eneneeryo ya ocharuwa weeparipari, Yehova haamukhurumuwenle nave aahimulaka ni okhwa

• 2Math 33:1-16—Naamwi Mwene Manase aari oonanara muri, Yehova aahimukhurumuwela vaavaa owo aacharunweiye. Manase aahooniherya wi oocharuwa vaavaa eerenryeiye omalihavo soophwaniherya ni otikitherya malapelo aweela

Sootakiherya sookhweleya sa Mpiipiliyani:

• 2Sam 12:13; 24:1; 1Mam 9:4, 5—Naamwi aapanke soocheka itokweene, Tavite aahicharuwa nave Yehova aahimukhurumuwela, ohoolo waya Yehova aahiloca wi owo aari mulopwana awookololowa

Sootakiherya sookhweleya sa Mpiipiliyani:

• Mat 26:36, 40, 41—Oomuchara awaacameleya a Yesu yaahiweryiwa ni ikhove vaavaa owo aachuneiye nikhaviheryo, naamwi hiihaa Yesu aahikhala ooreera murima ni yaawo asuwelaka wi awo yaahivelavela

• Mat 26:69-75; Luka 24:33, 34; Saw 2:37-41—Petru aahimukhooca Yesu ikwaha raru, nave Yesu aahimukhurumuwela vaavaa murummwa owo aacharunweiye; amanle oviihiwa mookhwani, Yesu aahooneya wa Petru nave ohoolo waya aahimvaha mirici savameekhaaya mmulokoni

Sootakiherya sookhweleya sa Mpiipiliyani:

• Mat 23:29-33—Yesu aahaalopola alipa oorepa ni Afarisi wi ntoko nikhuuru hiyaahaala okophola wa othoriha wa Kehena naari wi otoloxiwa woomalela

• Yoh 17:12; Mar 14:21—Yesu aahimwiichana Yutasi Iskariyoti “mwaana a otoloxiwa” nave aahiloca wi yaamukhala yaphaama owo ahiyariweru