Opaka Makupa Mmalapelo Atheru
Apwanne achu oothene anaya okerexa anamulapela Muluku mmohamoha?
Malam 32:16, 17; 1Mam 11:33; 1Ako 8:5, 6; 10:20
Apwanne Piipiliya onaloca wi Yehova onneemererya malapelo oothene naamwi awo ehusihaka miruku soohiyana-hiyana?
Mat 7:13, 14; Yoh 17:3; Aef 4:4-6
-
Sootakiherya sookhweleya sa Mpiipiliyani:
-
Yos 24:15—Yosuwa aaloca wi nnaphwanela othanla waakhanle wi nnaya omulapela Yehova naari amuluku akina
-
1Mam 18:19-40—Yehova aahimpharihela mulipa a miririmu Eliya wi ooniherye wi yaale anamulapa Muluku eeparipari, hanaphwanela opaka makupa mmalapelo a amuluku akina ntoko Paala
-
Yehova onoona hai sa amuluku atheru ni olapela yoowo anavahiwaaya?
Muk 12:12; Nam 25:2-5; Malam 12:29-31; Sof 2:11
Yehova onoona hai vooloca malapelo yaawo onavahiweiye nyenya esaren’ye saweera soonanara?
Yes 1:13-15; 1Ako 10:20-22; 2Ako 6:14, 15, 17
-
Sootakiherya sookhweleya sa Mpiipiliyani:
-
Muk 32:1-10—Akhinyeereryiwe ni Aisarayeli akina, Aroni aahipaka eruku ya mwaasaana a emope nave aahipharihela va ‘efesta ntakhara Yehova,’ yeeyo yaamweerinhe Yehova okhala oonyeenyeya
-
1Mam 12:26-30—Mwene Yeropowamu, haachuna wi achu eyeeke o empa ya Muluku o Yerusalemu, mwa yeeyo owo aahipaka soophwaniherya wi imweemeleleke Yehova nave aahiweeriha achu ocheka
-
Tiheeni Yehova aahusinheiye Aisarayeli vooloca sa ohiphitaana ni achu yaawo yaalapa amuluku akina?
Muk 23:31-33; Malam 7:1-4
Yehova oonne hai vaavaa achu awe yiivoleihenryaaya mu saweera sa malapelo makina?
Amut 10:6, 7; Sal 106:35-40; Yer 44:2, 3
-
Sootakiherya sookhweleya sa Mpiipiliyani:
-
1Mam 11:1-9—Akhinyereriwaka ni asaariye a ilapo sookhopela Mwene Solomoni, ahimunyenyeiha Yehova moorweela wa waalapa amuluku atheru ni oweeriha achu weerano emohamoha
-
Sal 78:40, 41, 55-62—Asafe aahithariha mukhalelo soopwaniherya ni omwareya wa Aisarayeli yaamukukhumunlaaya Yehova nave yaamweeriha Owo waakhooca achu Awe
-
Apwanne Yesu aanakhaviherya mahusiheryo a malapelo yaawo yaahiiwanana ni Masu a Muluku?
-
Sootakiherya sookhweleya sa Mpiipiliyani:
-
Mat 16:6, 12—Yesu aahilikanyiha mahusiheryo oowoka a Afarisi ni Asatuki ni yooruruvaliha, nthowa nawi awo yaanamwaramwaxeya mwawaakuveya ni onanariha eparipari yaweela ya Masu a Muluku
-
Mat 23:5-7, 23-33—Yesu aahithariha moolipa mukhalelo wa wiisootherya ni mahusiheryo oowoka a alipa oorepa ni Afarisi
-
Mar 7:5-9—Yesu aahaathoriha alipa oorepa ni Afarisi nthowa na ovahaxa esisapo mihapo sa achu ohiya Masu a Muluku
-
Apwanne Yesu aachuna wi oomuchara awe emwalamwale ni okhala mmalapelo mancipale oohiyanahiyana?
-
Sootakiherya sookhweleya sa Mpiipiliyani
-
Yoh 15:4, 5—Yesu ahipharihela mwiri wa uuva wi aphwanaphwanihe wiiwanana yoowo oomuchara awe yaaphwanelaaya otitelela okhalano ni yene vamoha ni Akristu akhwaaya
-
Yoh 17:1, 6, 11, 20-23—Mu ohiyu wookuchula ni arummwa awe ahaakunve okhwa, Yesu aahivekela wi oomuchara awe oothene eeparipari ekhale awiiwanana
-
Apwanne Akristu oopacerya yaarino soororomela imohamoha nave yaamulapa Yehova mmukhalelo woolikana?
-
Sootakiherya sookhweleya sa Mpiipiliyani:
-
Saw 11:20-23, 25, 26—Miloko so Antiyokeya ni o Yerusalemu saari sawiiwanana nave saanalapa vamoha
-
Aro 15:25, 26; 2Ako 8:1-7—Miloko sa mu nsana noopacerya saanooniheryana osivela orweela wa okhaviheryana mukina ni mukwaawe mu ilukuluku soothoiwa, sooniheryaka wi saari sawiiwanana
-
Apwanne Muluku onneemererya malapelo ootheene yaawo analoca wi aakhalano nroromelo mwa Kristu?
Apwanne malapelo yaawo ahinachariha mahusiheryo a Yesu ni a arummwa taweemereryeya wa Muluku?
-
Sootakiherya sookhweleya sa Mpiipiliyani:
-
Mat 13:24-30, 36-43—Nniphwanapawaniho nenla, Yesu aahihusiha wi hiiha ntoko ntakataka nninnuwaaya ni omwaramwaxeya mmacani, Akristu antakiheryo yaahaala okhala mmakupa a muloko
-
1Yoh 2:18, 19—Murummwa awunnuwela- vo Yohani ahiloca wi ancipale awiiseera kristu yaahikhumelela variyari va omakuchuwelo wa nsana noopacerya
-
Tiheeni eneereya wakhala wi meecelo oonanara ni mahusiheryo oowoka annatumeriwa mmulokoni?
Tiheeni Akiristu anaphwanelaya weera wi etitelele okhala awiiwanana?
Ntakhara heeni Akristu hanaphwanela opaka makupa mmalapelo atheru?
Ntakhara heeni oryaaya woophwanelela ophiyerya tho wamphurelo wuupulula naari wi olokoha mahusiheryo oowoka a malapelo atheru?
Yer 14:14; 23:13, 14, 16; Mat 15:12-14; 23:13-26
Ntakhara heeni hannaphwanela otikhina vaavaa achu a malapelo atheru ananihiphelaaya ni oniikara?
Akhweya Tho Mwaahaala Osiveliwa
HIYAANO NAANI
Oveka Oxekuryiwa
Ovaanela vooloca sa nikoho na Mpiipiliya, naari muhuserye sincipale vooloca sa Anamoona a Yehova.
