Muluku ti osivela. Nyenya malapelo yaawo aneemererya wi analoca ni weera ichu mu nsina na Muluku annapaka ichu sincipale soonanara. Enaweryeya hai ela? Malapelo awo tatheru. Yeeyo analocaaya ennaweeriha achu weemererya sawootha vooloca sa Muluku. Mmukhalelo taani awo ahinamucicimihaaya Muluku? Owo onoona hai vooloca sa yeeyo? Nave tiheeni onahaaleiye weera?

1. Ti mwawiihai malapelo atheru ahinamucicimihaaya Muluku orweela wa yeeyo anahusihaaya?

Malapelo atheru “ahaakakhanya eparipari ya Muluku ni wootha.” (Aroma 1:25) Ntoko yootakiherya, malapelo mancipale hantonko waahusiha achu aya nsina na Muluku. Nyenya, Piipiliya onaloca wi nsina na Muluku nnaphwanela ophariheliwaka. (Aroma 10:13, 14) Ahooleli akina a malapelo analoca wi vaavaa ineereyaaya ichu soonanara, yookhwela ya Muluku. Nyenya eyo tahi eparipari. Muluku hanapaka ichu soonanara. (Mwaalakhanye Tiyako 1:13.) Moothananiha, sawootha seiyo sa malapelo sinneeriha okhala woovila achu omusivela Muluku.

2. Ti mwawiihai malapelo atheru ahinamucicimihaaya Muluku orweela mu saweera saya?

Malapelo atheru hanaakhaliha achu hiiha ntoko Yehova oneereiye. Piipiliya onaloca wi malapelo atheru “sotcheka saya sáhúkelana ophiyerya wirimu.” (Wupulula 18:5, NN) Moovira wa iyaakha, malapelo ahiivoliiherya mu epoliitika, okhaviherya ikhoco, ni weeriha naari weemererya wiiphiwa wa achu ancipale. Ahooleli akina a malapelo anachuna okanyaari nave annaaveka achu aya wi yaavaheke ikhorowa. Saweera seiya sinnooniherya wi awo hamusuwenle Muluku, nave wi tho haanono ophwanelela wa omweemelela yoowo.—Mwaalakhanye 1 Yohani 4:8.

3. Muluku onoona hai vooloca sa malapelo atheru?

Waakhanle wi ichu soonanara inapakiwa ni malapelo atheru sinnaweerihaani okhala oonyeenyeya, munoona wi Yehova onoona hai? Owo onnaasivela achu, nyenya ori oonyeenyeya ni ahooleli a malapelo yaawo ahinamucicimiha nave anaakhaliha moonanara oomuchara aya. Muluku oororomeliha wi malapelo atheru anahaala otoloxiwa nave ‘ehiphwanyiwe tho.’ (Wupulula 18:21) Moohilekela, Muluku onamutoloxa malapelo oothene atheru.—Wupulula 18:8.

 OHUSERYA MWAWIISEELA

4. Muluku haneemererya malapelo oothene

Achu ancipale anneemererya wi malapelo ari ntoko iphiro soohiyanahiyana nyenya soothene sinnaakeriha wa Muluku. Apwanne ela eparipari? Mwaalakhanye Mateu 7:13, 14, nave voocharela muthokororye nikoho nla:

• Ti mwawiihai Piipiliya onathariheiye ephiro enakeriha wookumini?

Moone EXILEMA. nave muthokororye nikoho nnacharela.

• Apwanne Piipiliya onaloca wi aakhalavo malapelo mancipale anamuhakalaliha Muluku?

 6. Muluku onnachuna waakhaviherya achu okhumamo mmalapelo atheru

Mwaalakhanye Wupulula 18:4, a voocharela muthokororye nikoho nla:

• Muniisoona hai vaavaa musuwenlaanyu wi Muluku onnachuna omukhaviherya muchu ti muchu ohuwelihiwe ni malapelo atheru?

7. Mutitelele ohuserya vooloca sa Muluku eeparipari

Apwanne malapelo atheru annavolowela moonelo anyu vooloca sa Muluku? Mmwaanyiherye mwaana yoowo onakhooca ohoolela wa miruku onavahiweiye ni atiithi awe. Mwaana owo onnakhumavo vaate nave apacerya opaka ichu soonanara. Tiithi haneemererya saweera soonanara sa mwanawe. Ntakhara heeni tiithi haahaala okhalano nthowa na omwareya wa mwanawe?

• Apwanne yaahaala okhala yaphaama omukhupanya Yehova ni ohiya ohuserya sa yoowo nthowa na saweera sa malapelo atheru?

 MUKWASU

Malapelo atheru hanamucicimiha Muluku moorweela wa yeeyo anahusihaaya ni saweera saya sootakhala. Muluku onahaala otoloxa malapelo atheru.

Makoho awuuluulela

• Munoona hayi wa yeeyo malapelo atheru anahusihaaya ni mukhalelo anapakaaya ichu?

• Ti mwawiihai Yehova onooneiye vooloca sa malapelo atheru?

• Tiheeni Yehova onahaaleiye opaka ni malapelo atheru?