NIKUPA 9
Paradaiso Onahaala Orwa Liini?
Makacamiho veelaponi yavathi annooniherya wi Omwene wa Muluku moohilekela onahaala weera echu. Luka 21:10, 11; 2 Timoteo 3:1-5
Piipiliya aaloca sa ichu sincipale seiyo sineereya olelo. Piipiliya ooloca wi achu yahaala okhala oosivela icharama, oohiwiiwelela yaawo yaayanre, amakuche nave oosivela seiyo sinatheiha muchu.
Onarwa okhalavo ocikinyeya otokotoko wa elapo, ikhoco, orama wa soolya ni ireca sawiipha. Hiihaano ichu seiya sinneereya.
Yesu aaloca tho wi michaka yaphaama vooloca sa Omwene inarwa silaleeryiwe mu elapo yoothene yavathi.—Mateyu 24:14.
Omwene wa Muluku onahaala omaliha onanara woothene. 2 Petro 3:13
Moohilekela Yehova onahaala waatoloxa achu oothene oonanara.
Satana ni masololo awe anahaala ohooxiwa.
Achu yaale anamuwiriyana Muluku, anahaala okhala ni okumi mu elapo yahihano ya ekhaikhai, mummo onii ohikhalemo woova. Elapo yeeyo achu anahaalaaya ororomelana ni osivelana mukina ni mukhwaawe.
Akhweya Tho Mwaahaala Osiveliwa
ALIIVURU ni IPROXURA
Omwene wa Muluku Tiheeni?
Vaavaa aareiye veelaponi yavathi, Yesu ohooniherya yeeyo Omwene onahaalaaya weera.
ALIIVURU ni IPROXURA
Makacamiho Anahaala Omala?
Piipiliya onnaloca tho wi onniica yoonanara nave onnakhapelela achu. Ela enataphulela eheeni wa nyuwaano?
