MWAHA 76
Yesu Onneeliha Empa ya Muluku
Mu eyaakha ya 30 E.K., Yesu aaya o Yerusalemu. Achu ancipale yaarwa wi empake Paskha. Awo yaanapaka mikucho sa axinama mu empa ya mithukumano. Achu yaanaaruuha axinama aya, akina yaamwaathuma o Yerusalemu.
Aakeleiye mu empa ya mithukumano, Yesu aahaaphwanya achu yaakulihaka axinama wi yiiphwanyerye ikhorowa! Tiheeni Yesu enreiye? Owo aapaka ekopo ya mikoi awiikarano axinama mu empa ya mithukumano. Aapicula meesa a anamatumiha nave aayeeherya vachaya ikhorowa saya. Yesu aaloca wa yaale yaakuliha ikakaiya ariki: ‘Mvihevo ichu iha! Muheere wi empa ya Atiithi aka ekhale empa ya maroca!’
Achu yaatikhina ni yeeyo Yesu enreiye. Oohuserya awe yaahuupuwela sooloherya vooloca sa Mesiya: ‘Opwacha wa empa aa wookikusa murima.’
Mu eyaakha ya 33 E.K., Yesu aaheeliha empa ya Muluku ekwaha yanawiili. Heemererya wi muchu anyemulihe empa ya Atiithi awe.
“Himunawerya omulapa Muluku ni muhakhu.”—Luka 16:13
Akhweya Tho Mwaahaala Osiveliwa
YESU—EPHIRO, EPARIPARI, NI EKUMI
Yesu Onnapwacha Empa ya Muluku
Nlamulo na Muluku ninnaweemererya achu waathuma asinama ntakhara mukucho o Yerusalemu, vano ntakhara heeni Yesu onanyeenyeyeiye ni alipa ootumiha mu empa ya Muluku?
