MWAHA 93
Yesu Onnakookela Wirimu
Yesu aakumana ni oohuserya awe o Kalileya. Owo aahaavaha nlamulo noochuneyaxa ariki: ‘Haweni mwaahusihe achu oothene. Mwaahusihaka ichu soothene koolenlaakani, nave mwaapatise.’ Nave aahaaroromeliha: ‘Miyo kini kinakhala ni nyuwaano.’
Variyari va mahiku 40 aviihiwe mookhwani, Yesu aahaaphiyerya oohuserya ancipale o Kalileya ni Yerusalemu. Owo aahaahusiha miyaha soochuneya nave aapaka sootikhiniha. Yesu aahaathukumanya arummwa awe ekwaha yookuchula o Mwaako wa Olivera nave aahi: ‘Muhipwahewo o Yerusalemu, nwehererye weereya wa nroromeliho na Atiithi aloncaaya.’
Arummwa hiyawenrye wiiwexexa yootaphulela ya masu awe. Awo yaamukoha: ‘Munnasuwela elukuluku muneeraanyu mutikitherye Omwene wa Isarayeli?’ Yesu aawaakhula: ‘Hamunaphwanela osuwela mahiku Atiithi athanlilaaya mookhwelani mwaya. Nto munahaala waakhela munepa waweela ni ikuru. Vanonto munamukhala anamoona aka o Yerusalemu, o Yuteya woothewene ni o Samariya ophiyerya okhomoni wa elapo.’
Mootikhiniha Yesu aawelihiwa osulu nave neeku naamukhuneela. Arummwa awe yaatitelela oweha osulu, nyenya hiyawenrye tho omoona.
Arummwa yaakhuruwa o Mwaako wa Olivera nave yaakookela o Yerusalemu. Yaanathukumana mu empa wi evekele eweheryaka ohoolela wa Yesu.
“Nave Mutxhaka ola wa Omwene onamulaleyiwa mwelaponi yothene wi ovahe onamona maloko othene. Vanonto t’oneraya orwe okutxhuwa w’elapo.”—Mateu 24:14
Akhweya Tho Mwaahaala Osiveliwa
YESU—EPHIRO, EPARIPARI, NI EKUMI
Masana Annamoona Omapacereryo wa Pentekoste
Variyari va oviihiwa wawe ni owela wawe wirimu, mwawuuluulela Yesu onnaloca ni amuhuserya we yeeyo eneeraaya yaakhela ni mukhalelo anaphwanelaaya opharihela muteko.
