MWAHA 16
Munanwerya Omvootha Musaserya
“Mumvaanyeke musaserya; owo onarwa oochawaani nyuwo.”—TIYAKO 4:7.
1, 2. Tiheeni nnaphwanelaahu osuwela vooloca sa Satana ni masololo?
OKUMI mu elapo esyaani ya Yehova, onahaala okhala woohakalaliha. Elukuluku yeeyo, nnahaala okhalano okumi yoowo Muluku aachuneiye woopaceryani. Nyenya vano nnakhala mu elapo enahooleliwa ni Satana vamoha ni masololo awe. (2 Korinto 4:4) Naamwi nihiwoonaka, awo aakhala chiryene nave takuru.
2 Mmwaha yoola, nnahaala ohuserya mukhalelo wa olipiha onthamwene ahu ni Yehova ni wiisaakiha ohiphela wa Satana. Yehova onnalaiherya wi onahaala onikhaviheryaka. Nyenya nnaphwanela osuwela mikhalelo Satana ni masololo awe anapharihelaaya wi eniwoke ni onihiphela.
“OOPAKA MURIKA NTOKO MWACO”
3. Tiheeni Musaserya onachuneiye oneerela?
3 Satana olonce wi achu anamurumeela Yehova nthowa nawi owo onnanikhapelela nave wakhala wi ninnakumanano makacamiho, nnahaala ohiya omurumeela Muluku. (Mwaalakhanye Yobi 2:4, 5.) Wakhala wi muchu onnooniherya nchuno na ohuserya vooloca sa Yehova, Satana ni masololo annamoona nave anneererya omuhiiha. Awo annatepa onyeenyeya wakhala wi muchu ohiiveleela wa Muluku ni opatisiwa. Piipiliya onaloca wi Satana onnanirukurerya “oopaka murika ntoko mwaco onamwaavya muchu wi amukhuure.” (1 Pedro 5:8) Satana onachuna onanariha onthamwene ahu ni Yehova.—Salumu 7:1, 2; 2 Timóteo 3:12.
Satana onnatepa onyeenyeya vaavaa nniiveleelaahu wa Yehova
4, 5. (1) Tiheeni Satana ohinaweryeiye weera? (2) Onataphulela eheeni ‘omvaanya musaserya’?
4 Nyenya hannaphwanela omoova Satana ni masololo awe. Yehova ootikitherya mphimo vooloca sa yeeyo awo aneereryaaya oneerela. Yehova onnalaiherya wi “mucici [naari muloko] muncipale” wa Akristu eeparipari anahaala mmakacamiho matokotoko.” (Wupulula 7:9, 14) Musaserya hani awerye ohiiha wi yeela yeereye, woona wi Yehova onnaakhapelela achu Awe.
ovuluwa “5 Wakhala wi onthamwene ahu ni Yehova ti woolipa, Satana hawerya onanariha onthamwene yoowo. Masu a Muluku annanleela eriki: “Apwiya enii ekhale ni nyuwo, nyuwo mwakhala ni yaawo.” (1 Matharihelo 15:2; mwaalakhanye 1 Korinto 10:13.) Alopwana ancipale vamoha ni athiyana oororomeleya akhalai, ntoko Apele, Enoki, Nowa, Sara vamoha ni Mose, yaamvaanya Musaserya moorweela wa olipiha onthamwene aya ni Yehova. (Ahebri 11:4-40) Nnanwerya weerano emohamoha. Masu a Muluku annalaiherya: “Mumvaanyeke musaserya; owo onarwa oochawaani nyuwo.”—Tiyako 4:7.
NOOKHALANO “MUKHICO AHU”
6. Satana onanihiphela hai?
6 Naamwi Satana asuwelaka wi Yehova ohelavo mphimo vooloca sa yeeyo owo onaweryeiye oneerela, owo onniilipixerya wi ananarihe onthamwene ahu ni Muluku. Mmahiku ahu yaala, Satana onapharihela miraakho soohiyanahiyana, nyenya miraakho sawe mimohamoha ovinyerya khalai. Miraakho taani?
7. Ntakhara heeni Satana onaahipheleiye achu a Yehova?
7 Murummwa Yohani oorepa: “Elapo ya vathi yoothene enuupela wa mulipa oonanara owo” ela ti wi, Musaserya. (1 Yohani 5:19) Satana tonalamulela elapo ela yootakhala nave onnachunatho waalamulelaka achu a Yehova. (Mikeya 4:1; Yohani 15:19; Wupulula 12:12, 17) Musaserya oosuwela wi emuhalenle elukuluku vakhaani pahi, wa nthowa nenla owo onnanikhinyererya wi nihikhale oororomeleya wa Yehova. Ikwaha ikina Musaserya onanihiphela mwawooneya, nave ilukuluku ikina moovitheya.
8. Tiheeni Mukristu ori oothene onaphwaneleiye osuwela?
Éfeso 6:12 wi nookhalano “mukhico ahu . . . ni minepa soonanara soosulu.” Mukristu ori oothene onnawana mukhico ni Musaserya vamoha ni masololo awe. Nnaphwanela osuwela wi oothene yaale aniiveleela wa Yehova, annavolowa mmukhico yoola. Mu ekaarata awe wa anna o Éfeso, Paulo aaloca ikwaha raru wi anna yaaphwanela okhala ‘oolipa.’—Éfeso 6:11, 13, 14.
8 Ninnaalakhanya mu9. Tiheeni Satana ni masololo aneereryaaya oneerela?
9 Satana ni masololo anneererya oniwoka mmakupa oohiyanahiyana. Wakhala wi noowerya omvootha mu nikupa nimoha, eyo henataphulela wi hanrwa nivoothiwa mmakupa makina. Musaserya onneererya waasya mathitimanelo ahu wi awerye othanla muraakho taani onahaaleiye opharihela wi aneehe. Nyenya nihiwokiwe woona wi Piipiliya onnaloca sa miraakho sa Musaserya. (2 Korinto 2:11; moone Yooleeliherya 31.) Muraakho mmoha ti onamulosiwe.
MUKHALE OCAI WA MASOLOLO
10. (1) Onamulosiwe tiheeni? (2) Yehova onoona hai onamulosiwe?
10 Onamulosiwe onnamweeriha muchu ovoloweliwa ni masololo naari ichu sa malavi. Eyo ennaphitaanyerya waasya ihako, okhwiri, masica ni weererya oloca ni alipa ookhwa. Piipiliya onnanleela wi onamulosiwe echu ‘yoothanyeya’ nave Muluku haneemererya wi muchu avolowele masololo nave anamurumeela. (Malamulo 18:10-12; Wupulula 21:8) Akristu anaphwanela okhala ocai wa mukhalelo syakala wa onamulosiwe.—Aroma 12:9.
11. Yawoopiha taani erivovo wakhala wi nookhalano nchuno na owoona anaaminepa?
11 Satana oosuwela wi wakhala wi ninnakhalano nchuno na woona ichu ntoko anaaminepa, onahaala okhala
wookhweya wa yoowo onihuweliha wi nivolowele onamulosiwe. Onamulosiwe ori woothene onanwerya onanariha onthamwene ahu ni Yehova,SATANA ONNEERERYA ONIWOKA
12. Tiheeni Satana oneereiye wi aakanyerye muupuwelo ahu?
12 Satana onachuna waakanyerya muupuwelo wa achu. Vakhaani-vakhaani owo onnaaruhela achu minikwa, ophiyerya wi enuupuwela wi “yoonanara ti yaphaama, nave yaphaama ti yoonanara.” (Isaiya 5:20) Musaserya onachuna wi neemereryeke wi miruku sa Mpiipiliyani tahi sa mphurelo wa hiyaano nave wi naahaala okhala oohakalala wakhala wi hinnapwacha malamulo a Muluku.
13. Mvahe sootakiherya inooniherya wi Satana onachuna wi achu ekhalekeno minikwa.
13 Minikwa muraakho yoowo Satana onaphariheleiye nave sinnamweecela phaama. Opacenrye opharihela ovinyerya khalai. Ntoko yootakiherya, mu emaca ya Eteni, owo aheererya omweeriha Eva okhalano minikwa moorweela wa omukoha ariki: “Evelevelo wi Muluku ooloca wi muhilyeekeru sawiima sa miri soothene sa mmacani mmo?” (Maphatxuwelo 3:1) Voocharyela mmahiku a Yupu, Satana aamukoha Yehova, ankeelo eri vaavaa, ariki: “Akhweya Yoopu onamoova Muluku mahala ene? (Yobi 1:9) Amanle Yesu opatisiwa, Satana aamweeha alocaka: “Waari mwaana a Muluku, oleele maluku ala ethatuwe iphaawu.”—Mateu 4:3.
14. Satana onaaruuhela hai achu minikwa wi opharihela masololo echu yawoopiha?
14 Mmahiku ahu yaala tho, Satana onneererya oweeriha akina okhalano minikwa. Owo onachuna wi achu yuupuweleke: ‘Apwanne chiryene onamulosiwe echu yoonanara?’ Owo onneeriha wi ichu inavolowela onamulosiwe 2 Korinto 11:3) Vano, tiheeni nnaphwanelaahu weera wi niikhapelele? Nni nsuwele hai wi ninnawokiwa ni Satana? Nnahaala woona makupa meeli yaawo Satana ahaaleiye weererya oniwoka: mathatelo ni mukhalelo wa oloola.
inakhala ntoko wi tahi echu yoonanara. Ophiyerya wi Akristu akina enuupuwela wi tahi yoonanaraxa. (SATANA ONNAPHARIHELA SOOCHUNA SAHU WI ANIWOKE
15. Ti mwawiihai mathatelo anaweryaaya oneeriha ovolowela onamulosiwe?
15 Mmahiku ahu yaala, ixilema sincipale, aprokrama a mu TV, axooku a mu komputatore naari mu interneti annavolowela onamulosiwe, masica ni ichu sa malavi. Ancipale anoona wi hiyaavo yawoopiha woona ichu seiha nave hanoona yawoopiha ene mu okumi aya. Nave muchu onanwerya ovolowela onamulosiwe moorweela wa ichu ntoko: owara ikhulula, opaka masica, masenka, weererya otaphulela miceka sa mmatani. Musaserya onniipithiha yawoopiha erivovo mu ichu seiha nave onneeriha wi ikhala ntoko ichu sootikhiniha ni sootheiha. Akina ananwerya wuupuwela eriki: ‘Hiyaavo yoonanara woona ixilema inavolowela ichu sa malavi; woona wi wu tahi waasya ehako naari ovolowela onamulosiwe.’ Ntakhara heeni wuupuwela hiiha eraaya yawoopiha?—1 Korinto 10:12.
16. Ntakhara nnaphwanelaahu okhooca mathatelo anavuwiha onamulosiwe?
16 Satana ni masololo hanawerya waalakhanya mawuupuwelo ahu. Nyenya ananwerya osuwela tiheeni enansivela ni mukhalelo ahu wa wuupuwela moorweela wa ovareryela soothanla nnapakaahu wa hiyaano ni wa emusi ahu, ophitaanyerya mathatelo ahu. Tiheeni enahaala weereya wakhala Galasya 6:7.
wi ninnathanla ixilema, macipo, naari aliivuru analoca sa onamulosiwe, masica, anaaminepa, ichu samalavi naari echu syakala? Satana ni masololo anahaala woona wi ninnachuna woona naari osuwela vooloca sa ichu seiho. Nave voocharela anahaala weererya oneeriha ovolowela onamulosiwe.—Mwaalakhanye17. Satana onapharihela hai nchuno nahu na okhalano okumi waphaama?
17 Satana tho onnapharihela nchuno nahu na okhalano ekumi yaphaama. Olelo, ancipale annahooxeya ni ireca. Awo annaasyaasya mukhalelo wa oloola nyenya hiyaavo eneereya. (Marko 5:25, 26) Nave nthowa na oyeleela ewehereryo awo anneererya waasya oloola syakala ophiyerya waasya ehako. Nyenya ntoko Akristu, nnaphwanela okhalano ekaasoope wi nihithanle oloola yoowo onavolowela “minepa” yoonanara.—Onamukutxho 19:31.
Vaavaa muniiceliwaanyu mmuroromele Yehova
18. Oloola taani Mukristu onaphwaneleiye osepa?
18 Khalai mmahiku a Isarayeli, yaakhalawo achu yaawo yaapharihela “minepa” soonanara. Yehova ahaaleela ariki: “Mwaavihaka matata anyu, mvekelaka, nkoowehakani. Nari mwaaceereryaka mavekelo anyu, nkiwiiwaani.” (Isaiya 1:15) Nkuupuwelani—Yehova haawiriyanaru mano mavekelo aya! Hinnachuna opaka echu yeeyo yaahaala onanariha onthamwene ahu ni Yehova ni oneeriha oyeleela nikhaviheryo nawe, xaxaxa vaavaa nniiceliwaahu. (Salumu 41:3) Vano wakhala wi ninnaasya oloola, nnaphwanela waasya osuwela waakhanle wi onnavolowela waasya ehako naari onamulosiwe. (Mateu 6:13) Wakhala wi oloola iwo onnavolowela onamulosiwe, nnaphwanela osepa!—Moone Yooleeliherya 32.
ITHALE VOOLOCA SA MASOLOLO
19. Tiheeni enaweeriha ancipale woova masololo?
19 Achu akina anuupuwela wi Satana ni masololo hakhanle, nyenya akina anneemererya wi aakhala woona wi yookhala yaaphacuwenle. Ancipale annoova minepa soonanara nave anneemererya wi okhwiri wookhala. Akina annaweeriha achu akina woova masololo moorweela wa oloca ithale sawoopiha vooloca sa masololo. Ikwaha sincipale, achu anawiriyana miyaha ntoko seiho annaaleela akina. Ithale seiha sinnaweeriha achu omoova Musaserya.
20. Mukhalelo taani nahaalaahu omwaramwaxa sawootha sa Satana?
20 Nkuupuwelani ela: Satana onachuna wi achu emooveke. (2 Tesalónika 2:9, 10) Owo nawoothe nave oosuwela mukhalelo wa waawoka achu yaawo anasiveliwa ni onamulosiwe nave mukhalelo wa oweeriha weemererya mu ichu seiho ihiri seeparipari. Achu yaala akhweya annaloca ithale naari miyaha vooloca sa yeeyo awo analocaaya wi ahoona, naari ahiiwa. Vaavaa achu anuuluulaaya oloca miyaha ntoko seiha, onanvira mwaha wunnuwaka. Hinnachuna omukhaviherya Satana owoopopiha wawe achu moorweela wa wuuluulela miyaha si seiha.—Yohani 8:44; 2 Timóteo 2:16.
21. Ohiya olocaka miyaha vooloca sa masololo, miyaha taani nnaphwanelaahu olocaka?
21 Achu a Yehova hanaphwanela woova yeeyo Satana ni masololo anaweryaaya opaka. Wakhala wi muchu aahoona sa malavi khalai ahaakumve okhala Namoona a Yehova, owo hanaphwanela wuuluulela oloca yaweereya yeeyo ni akina. Ohiya yeeyo, nnaphwanela omvareryaka Yesu nave hiiha ntoko Yehova aamvanheiye ikuru Yesu, owo tho onahaala onivaha. (Ahebri 12:2) Yesu haawoopopiha oohuserya awe ni ithale vooloca sa masololo. Owo aari ooweiwa ni muteko wa olaleerya michaka saphaama sa Omwene ni ichu “sitokotoko sa Muluku.”—Saweriwa T’arummwa 2:11; Luka 8:1; Aroma 1:11, 12.
22. Tiivi eri yoolakelela anyu?
22 Nihicuwale wi yoolakelela ya Satana ori onanariha onthamwene ahu ni Yehova. Owo onahaala weera soothene wi aakhwanihe yoolakelela awe yeela. Nyenya hiyaano noosuwela miraakho sa Musaserya nave nri oolakelela ohivolowela echu syakala enaphitaanyerya onamulosiwe. Hinnahaala ‘omvaha nipuro musaserya’ wi aceecheihe yoolakelela ahu. (Mwaalakhanye Éfeso 4:27.) Chiryene, vaavaa nnamvaanyaahu Musaserya, ninnoopowa mwa miraakho sawe soothene nave Yehova onnanikhapelela.—Éfeso 6:11.