Mapaceryiho Anatannya Nchuno
YOOHUSERYA 1
Mapaceryiho Anatannya Nchuno
ECHU YAWEERA: Mapaceryiho anyu anaphwanela otannya nchuno, ovuwiha mwaha anyu, ni wooniherya ntakhara heeni oowiriyana anyu aakhalano nchuno mmwaha owo.
MUKHALELO WA WEERANO:
● Otannya nchuno. Muthanlele makoho, yaweereya ya okumi, ni yaweereya evyaani enahaala otannya murima wa oowiriyana anyu.
Wuupaceryani, mpwache nchuno ni wuukhuwa wa oowiriyana anyu nave mpake mapaceryiho anyu mwawiiwanana ni yaawo.
● Muloce mwaheene. Muroromele wi mapaceryiho anyu anneeriha wi mwaha ni yoolakelela ya operekha wanyu okhale wookwakwaleya wa oowiriyana anyu.
● Mooniherye ochuneya wa mwaha. Echu munalocaanyu ekhale mwawiiwanana ni soothowa sookhweleya sa oowiriyana anyu. Awo anaphwanela wiiwexexa mookwakwaleya ti mwawiihai mwaha oneeraaya waakhaviherye muukumini mwaya.
Vaavaa munareheryaanyu mwaha, mwiikohe: ‘Mikhalelo taani anna ni arokora mmuloko aka anakumanaayano?’ Voocharela murehererye mapaceryiho anyu, aniiwanana ni soothowa saya.
[Ekaaxa va epaaxina 4]
MMUTEKO WOOLALEERYA
Wi mulakelele echu enahaala okhala yoochuneya wa muchu, mvarerye miteko sawe naari ichu sa nihiku ti nihiku. Mpaceryihe ochekula moorweela wa omukoha naari oloca mwawaakuveya ichu seiyo.
