Wiilipiserya Otannya Murima
YOOHUSERYA 19
Wiilipiserya Otannya Murima
ECHU YAWEERA: Mwaakhaviherye oowiriyana anyu wiiwexexa echu anahuseryaaya ni weeravo echu.
MUKHALELO WA WEERANO:
● Mwaakhaviherye oowiriyana anyu wiisaalikhela. Mpake makoho wi mwaakhaviherye achu athukumanne waalikhela muupuwelo aya.
● Mucicimiherye nchuno naphaama. Mwaaceenyerye oowiriyana anyu wi yaalikhele ntakhara heeni anapakaaya miteko saphaama. Mwaakhaviherye ochuna opaka ichu saphaama—omusivela Yehova, waasivela achu, ni soohusiha sa Piipiliya. Mwaakhaviherye woona miruku sa Piipiliya ohiya waaleela. Ohiya owuuliha muru, mwaalipihe mukuchulaka mwaha anyu, ni waaceenyerya opaka yeeyo anaweryaaya.
● Mumvuwihe Yehova. Mvuwihe mukhalelo mahusiheryo a Piipiliya, malakiheryo, ni malamulo anooniheryaaya mikhalelo sa Muluku, ni osivela wawe ntakhara hiyo. Mwaaceenyerye oowiriyana ochuna othokororya moonelo wa Yehova ni omuhakalaliha.
Muupuwele wi Yehova tonawiichana achu. Mpharihele Masu awe wi mwaaceenyerye oowiriyana.
[Ekaaxa va epaaxina 22]
MMUTEKO WOOLALEERYA
Wakhala wooweryeya, mpharihele makoho wi musuwele echu oowiriyana anyu onaroromeleiye. Mvareryeke sawooniherya sa ethoi awe ni ineneeryo sa ovuwa wa nsu nawe. Nto, mukhale oopixa murima. Akhweya munahaala omusuwela ahaakumve wuupulula omuchu awe.
