YOOHUSERYA 2

Oloca Moochekulela

1 Korintu 2:17

ECHU YAWEERA: Oloca mmukhalelo wooyariwano, ennooniherya eparipareene moonelo anyu vooloca sa mwaha ni alipa oowiriyana anyu.

MUKHALELO WA WEERANO:

● Mvekele nave mwiirehererye mwawiichaalela. Mvekele wi mukhale ootikitheryeya, ohiya wa nyuworu, nto wa michaka sanyu. Muthokororye miyaha sookhweleya munachunaanyu othariha. Muloce ni masu anyu; muheerekemoona oloca masu ti masu anakhala va epapeli.

Wakhala wi munahaala omwaalakhanya Piipiliya naari yoolaleeryiwa ekina, musuwele phaama nikupa wi waalakhanya wanyu okhale wawiiweya. Yakhalavo masu aachu akina, mwaalakhanye masu aya mooniheryaka moonelo, ohiya ntoko etrama.

● Muloce orweela vamurimani. Muupuwele ntakhara heeni alipa oowiriyana anyu anachunaaya wiiwa muchaka. Mwaathokororye. Voocharela weemela wanyu, ineneeryo ni ethoi anyu enahaala wooniherya waapwacha ni onthamwene.

Wiiwa mookhweya henataphulela ohicicimiha. Mucicimiherye michaka sanyu moorweela wa opharihela malocelo ookhweya ni oophwanelela.

● Mwaavarerye oowiriyana anyu. Muloceke mwaawehaka achu wakhala wi onneemereryeya vanipuroni. Vaavaa munalocaanyu mwaha, mumvareryeke mmoha ti mmoha wa achu athukumanne, ohiya waavareryaka oothene mweelukuluku emoharu.