YOOHUSERYA 9

Opharihela Moophwanelela Ikaruma Sawooneya

Maphatxuwelo 15:5

ECHU YAWEERA: Mpharihele ikaruma sawooneya wi muhusihe mwaha woochuneya ni wookhweya wuupuwelela.

MUKHALELO WA WEERANO:

● Muthanlele ichu sawooneya inii ikhaviherye ohusiha wanyu. Mpharihele iruku, maapa, sawooniherya sa elukuluku, naari ikaruma ikina sawooneya wi mvuwihe mwaha woochuneya. Mwaakhaviherye oowiriyana anyu wuupuwelela ohiya pahiru ekaruma yawooneya nyenya echu enahusihaaya.

● Muroromele wi oowiriyana anyu annawerya woona yeeyo munawoonihaanyu.

Murehererye ikaruma sawooneya muhaakumve opharihela.

[Eruku va epaaxina 12]

MMUTEKO WOOLALEERYA

Moonihe eruku eri va yoolaleeryiwa, nave mmukohe oowiriyana anyu wi aloce yeeyo onooneiye. Mpake makoho awaaceererya wakhala woochuneya, wi muceenyerye mwaha wookhweleya. Vaavaa munapharihelaanyu exilema, mweerihe wi oowiriyana anyu ooneke phaama. Honachuneya oloca vaavaa exilema enarumaaya.