APENTISI 3
Mukhalelo wa Weeciha Soohuserya sa Piipiliya Nipharihelaka Yoolaleeryiwa “Mpuhe Okumi Okhala Wookhala!”
Achu yaahipaka mavekelo mancipale ni otholathola vaavaa yaapakiwaaya yoolaleeryiwa Mpuhe Okumi Okhala Wookhala! Wi mukumihevo mphurelo wa yoolaleeryiwa yeela, mpharihele meerelo anacharela vaavaa munahaalaanyu weecihaka soohuserya sa Piipiliya.
Ehaakumve yoohuserya
-
1. Mwiirehereryeke phaama. Vaavaa muniirehereryaanyu, muupuwelele soothowa sawe, mikhalelo sawe, ni miyoonelo sa oohuserya anyu. Mweererye osuwela woosiilo ene iponto seiyo akhweya owo onahaaleiye woona okhala woovila wiiwexexa naari opharihela. Muupuwele mukhalelo makupa eni: “Otholathola” enahaalaaya omukhaviherya oohuserya anyu. Mukhale ooreheryeya opharihela makupa yaala variyari va yoohuserya, wakhala woochuneya.
Variyari va yoohuserya
-
2. Mpaceryeke nave tho mukuchuleke nnivekelo wakhala wi oohuserya owo onneemererya.
-
3. Mukhaleno ekaasoope wi muhiloceke vancipale. Mutikitheryeyeke wa mwaha yoowo munathokororyaanyu, nave mmuhiye oohuserya wi aloceke mootaphuwa.
-
4. Vaavaa munapaceryaanyu nikupa ti nikupa na makupa maxexe oopacerya, mwaalakhanyeke makupa eni: “Yeeyo nnahaalaahu ohuserya,” nave mutharihe miru sa miyaha mikina.
-
5. Vaavaa munakuchulaanyu nikupa ti nikupa na makupa maxexe a liivuru, mphariheleke makupa eni: “Makoho awuuluulela” wi mmukhaviherye oohuserya anyu wuupuwela iparipari seiyo ohusenryeiye.
-
6. Vaavaa munahuseryaanyu mwaha ti mwaha ni oohuserya anyu:
-
Mwaalakhanye iparakrafo.
-
Mwaalakhanye soorepa soothene irino masu awi: “Mwaalakhanye”.
-
Mwaalakhanye soorepa ikina, wakhala woochuneya.
-
Moone ixilema soothene irino masu awi: “Moone Exilema” (wakhala wi mookhalano).
-
Mumpakele oohuserya anyu makoho oothene.
-
Muthokororye iruku iri mmakupa eni: “Ohuserya mwawiiseela” nave mumveke oohuserya anyu wi aloce yeeyo onooneiye.
-
Mpharihele ekaaxa eni: “Yoolakelela” wi mmukhaviherye oohuserya anyu ovareryela oyawawe vahoolo mmakupa oomunepani. Munanwerya omuceenyerya owo opharihela yoolakelela evahereryiwe, otikitherya soolakelela ikina, naari soopiili.
-
Mmukohe oohuserya anyu waakhanle wi yookhala echu yavameekhaaya yeeyo emusivenle vaavaa iirehereryeiye, vooloca sa miyaha naari ixilema seiyo onneiye mmakupa eni: “Otholathola.”
-
Mweereryeke okwaaxa mwaha wanteero mu yoohuserya eri yoothene.
-
Mmanle weeciha yoohuserya
-
7. Mutitelele wuupuwelela sa oohuserya anyu. Mvekele wa Yehova wi areelihe oya wawe vahoolo. Mumveke tho wi oovaheeni miruku wi nwerye woona mukhalelo waphaama wa omukhaviherya.
