Asitiithi Eni Yaakhaviherye Hai Anaaya mu Elapo Yookhopela?
“Nkano ohakalala onapwaha vava vosuwela wi anàka anetxa mwa eparipari.”
MACIPO: 41, 11
1, 2. (1) Nikacamiho taani anamwane a asitiithi achawenle mu elapo yookhopela anakumanaayano? (2) Makoho taani mwaha yoola oneeraaya othokororye?
YOSUWA ooloca: “Ovinyerya kiri mwaana, kaaloca elocelo ya elapo ya asitiithi aka owaani ni mmulokoni. Nyenya kaapacenryaaka ohuserya osikola, kaapacerya ochunaka elocelo ya elapo naachawenlaahuwo. Elukuluku vakhaani kaaloca pahiru elocelo ya vanipuroni. Nkaawerya wiiwexexa mithukumano, navetho kaacuwala sookhovelela sa asitiithi aka.” Yaweereya ya Yosuwa ti yawunlaana.
2 Olelo, achu opwaha 240.000.000 hanakhala mu elapo ayariwaayawo. Wakhala wi mwa tiithi muchawenle mu elapo ekina, muni nwerye hai waavaha aniinyu ekari ya ohuserya omusivela Yehova ni ‘wetxa mwa eparipari?’ (3 Yohani 4) Nave akina eni ekhaviherye hai?
ASITIITHI NYUWO, MVAHE YOOTAKIHERYA YAPHAAMA
3, 4. (1) Asitiithi eni evahe hai yootakiherya yaphaama wa anaaya? (2) Tiheeni asitiithi ahinaphwanelaaya oweherya wa anaaya?
3 Asitiithi, yootakiherya anyu echu yookhweleyaxa wakhala Mateu 6:33, 34) Muhele muteko anyu wa Yehova vanipuro noopacerya ohiya waavya okhalano ichu sincipale soomwiilini. Mukhaleno okumi wookhweya nave musepe opaka ivaale. Mukhaleno “muhakhu wirimu,” eyo ti wi weemereryiwa ni Yehova, opwaha waavya ikhorowa naari “ovuwa wa atxhu.”
4 Muhikhaleke oweiwa ophiyerya ohikhalano elukuluku wa aniinyu. Mweerihe wi aniinyu yoone wi munnasiveliwa vaavaa awo anathanlaaya omuhela Yehova voopacerya opwaha waavya ovuwa naari ikhorowa, wa yaawo naari wa nyuwaano. Musepe moonelo woonanara wawi anamwane anaphwanela waavahererya asitiithi aya okumi woohakalalihaxa. Muupuwele wi “tahi anamwane anaathukumanyerya saphaama asitiithi aya, nto ti asitiithi wa anaya.”
ASITIITHI NYUWO, MWEERERYE OVOOTHA MAKACAMIHO A ELOCELO
5. Ntakhara heeni asitiithi annaphwanela oloca moohihiyererya ni anaaya vooloca sa Yehova?
5 Ntoko yaaloheryiwaaya, achu a “ilotxelo sòhiyana-hiyana” annavolowa mmarehereryo a Yehova. (Zakariya 8:23) Nyenya wakhala wi aniinyu haniiwexexa elocelo anyu phaama, onahaala okhala woovila waahusiha eparipari. Awo oohuserya a Piipiliya ookhweleya muryaanyuno, nave ‘omusuwela’ Yehova enataphulela ekumi yoohimala. (Yohani 17:3) Wi mwaninyu akhaleno mahusiheryo a Yehova, munaphwanela ‘olotxaka yawo’ moohihiyererya.
Anamwanaanyu oohuserya a Piipiliya ookhweleya muryaanyuno
6. Aniinyu eni ekhaviheryeye hai moorweela wa ohuserya elocelo anyu? (Moone eruku yoopacerya.)
6 Aniinyu anahaala ohuserya elocelo ya vanipuroni osikola ni akina. Nyenya anahuserya elocelo anyu vaavaa munalocaanyu ni yaawo moohihiyererya. Elukuluku aniinyu analocaaya elocelo anyu, onahaala okhala wookhweya ovaanela ni nyuwo ni wooleelaani moonelo aya. Nyenya sookhalavo miphurelo mikina. Vaavaa aniinyu analocaaya ilocelo ikina, eyo ennarehererya muupuwelo aya nave ennaakhaviherya wiiwexexa miyoonelo sa akina. Eyotho enahaala waavaha ikari sa opaka sincipale mmuteko woolaleerya. Karolina yoowo asitiithi awe achawenle mu elapo ekina, onnaloca: “Okhala mmuloko wa elocelo yookhopela enakhala echu yaphaama ni yoohakalaliha okhaviherya weiwo oriwo othowa otokweene.”
7. Tiheeni munaphwanelaanyu weera wakhala wi elocelo ninnakhala nikacamiho veemusini vanyu?
7 Chiryene, vaavaa anamwane anakhala mu elapo yookhopela anahuseryaaya sookhovelela sa vanipuroni, akina anamuyeleela nchuno ni mavyakelo aya a opharihela elocelo ya asitiithi aya. Asitiithi, wakhala wi eyo enneereya ni aniinyu, mwanwerya ohuserya vakhaani elocelo ya vanipuroni? *
8. Muni mwaakhaviherye hai aniinyu wakhala wi hamunaloca phaama elocelo ya vanipuroni?
8 Nnamukhala nikacamiho wa asitiithi achawenle mu elapo ekina oloca phaama elocelo evyaani ya anaaya. Enahaala okhala yoovila wa asitiithi waakhaviherya anaaya wiiwexexa “Sorempwa sa Muluku.” (2 Timóteo 3:15) Wakhala wi muri mmukhalelo yoola, munanwerya waakhaviherya aniinyu omusuwela ni omusivela Yehova. Mutokweene mmoha nsina nawe Shan ooloca: “Amama ahu yaari muciye, hiyiiwexexa elocelo niiwexexaahu phaama, nave miyaano ni arokora aka hinaaloca phaama elocelo ya amama. Nyenya vaavaa naawoonaahu ehuseryaka, evekelaka, ni yiilipiseryaka weeciha malapelo eechoko esumana yoothene, naahiiwexexa wi okhalano nsuweliho na Yehova yaari echu yookhweleyaxa.”
9. Asitiithi eni yaakhaviherye hai anamwane eni echune ohuserya mu ilocelo piili?
9 Anamwane akina anamuchuna ohuserya sa Yehova mu ilocelo piili. Ntakhara heeni? Nthowa nawi awo analoca elocelo emoha osikola ni ekina owaani. Wa nthowa nenla, asitiithi akina anapharihela soolaleeryiwa, sooruma sookravaariwa, ni ixilema mu ilocelo soopiili. Chiryene, asitiithi achawenle mu elapo ekina anaphwanela olapa mwakuru wi yaakhaviherya anaaya omwaacamela Yehova.
MULOKO WA ELOCELO TAANI MUNAPHWANELAANYU OTHUKUMANANO?
10. Taani onaphwanela olakelela muloko anaphwanelaaya othukumanano? (b) Muru wa emusi oni opaka eheeni amanle alakelele?
10 Vaavaa ‘anamarwa’ anakhalaaya ocai wa Anamoona analoca elocelo aya, awo anaphwanela othukumana ni muloko wa elocelo ya vanipuroni. (Salumu 146:9) Nyenya wakhala wi vakhiviru vaya wookhalavo muloko wa elocelo aya, muru wa emusi onaphwanela olakelela elocelo taani ya muloko enahaala okhala yoophwanelela wa emusi. Ahaakumve opaka yoolakelela, onaphwanela wuupuwelela ni ovekela vooloca sa yeeyo. Onahaalatho oloca ni mwaariye ni anaawe. (1 Korinto 11:3) Tiheeni onahaaleiye othokororya? Malakiheryo taani a Piipiliya eni emukhaviherye opaka yoolakelela?
Muru wa emusi onaphwanela olakelela elocelo taani ya muloko enahaala okhala yoophwanelela wa emusi
11, 12. (1) Elocelo enamukhaviherya hai mwaana okumihavo mphurelo mmithukumano? (2) Ntakhara heeni anamwane akina hanachuna ohuserya elocelo ya asitiithi aya?
1 Korinto 14:9, 11.) Nave elocelo yooyariwano henahaala okhala elocelo yeeyo eni evolowele mukhalelo mwaana onuupuweleiye. Mweeparipari, anamwane akina ananwerya ohuserya ovaha maakhulo, sawooniherya, ni operekha miyaha mu elocelo ya asitiithi aya nyenya ehiweryaka wooniherya muupuwelo ni moonelo aya.
11 Asitiithi anaphwanela osuwela yeeyo anaaya anachunaaya mweeparipari. Wi yiiwexexe iparipari sa Piipiliya, anamwane annachuna sincipale opwaha iwora vakhaani sa omuhuserya Piipiliya esumana ti esumana mmithukumano. Nyenya muthokororye ela: Mithukumano inapakiwa mu elocelo aniiwexexaaya phaama, anamwane annakumihavo mphurelo pahiru moorweela wa okhala mwemmo, akhweya ohuserya sincipale opwaha asitiithi aya yaaweheryaaya. Eyo ti yoohiyana wakhala wi anamwane haniiwexexa phaama elocelo. (Mwaalakhanye12 Navetho, murima wa mwaana onnavoloweliwa ohiya pahiru ni elocelo. Owo waari mukhalelo wa Yosuwa, oromoliwe woopaceryani. Murokora awe, Esteri ooloca: “Wa mwaana, elocelo ya asitiithi, yookhovelela, ni malapelo sinaphitaanyeryiwa vamoha.” Wakhala wi anamwane hanoona wi annapaka makupa mu yookhovelela ya asitiithi aya, awo heni echune ohuserya elocelo ni malapelo a asitiithi aya. Tiheeni asitiithi achawenle elapo ekina anaphwanelaaya opaka?
13, 14. (1) Tiheeni yaamweerinhe mutheli aachawenle elapo ekina othaamela muloko waaloca elocelo ya vanipuroni? (2) Asitiithi yaatitelenle hai olipiha onthamwene aya ni Yehova?
13 Asitiithi Eekristu annahela soochuna sa anaaya vanipuro noopacerya opwaha sawaya. (1 Korinto 10:24) Samuwele, tiithi a Yosuwa ni Esteri, onnaloca: “Miyaano ni mwaaraka naahuupuwela vooloca sa aniihu wi nsuwele elocelo taani yaatannya mirima saya, nave naaveka miruku. Naakhulo naari noohiyana ni yeeyo naachunaahu. Nyenya vaavaa noonnaahu wi yaanakumiha mphurelo vakhaani mithukumano saapakiwa mu elocelo ahu, naalakelela othaamela muloko wa elocelo ya vanipuroni. Wiiliwiili naanaphwanyeya vamoha mmithukumano nave naanaya mmuteko woolaleerya. Naanaawopa asinthamwene a vanipuroni wi nlye ni nchekule vamoha. Mikhalelo soothene seiya saahaakhaviherya anamwanaahu waasuwela anna ni omusuwela Yehova, ohiya pahiru ntoko Muluku aya nyenyatho ntoko Nthamwene ni Tiithi aya. Hiyaano naahoona wi eyo yaari echu yookhweleyaxa opwaha ohuserya elocelo ahu.”
14 Samuwele onnaacererya: “Wi ntitelele olipiha makupaahu oomunepani, miyaano ni mwaaraka naanaphwanyeya mmithukumano saapakiwa mu elocelo ahu. Naakhala ooweiwa, ni oovelavela. Nyenya ninnamuthamalela Yehova moorweela wa oreeliha wiilipiserya wahu. Aniihu araru annamurumeela Yehova mmuteko wa elukuluku yoothene.”
TIHEENI AMIRAVO ANAPHWANELAAYA OPAKA?
15. Ntakhara heeni Kristina aahithaamela muloko waapharihela elocelo ya vanipuroni?
15 Vaavaa anamwane aninnuwaaya, anahaala Saweriwa T’arummwa 2:11, 41) Elukuluku aareiyeno iyaakha 18, Kristina aahivaanela ni asitiithi awe nave aalakelela othaamela muloko waapharihela elocelo ya vanipuroni. Owo onnaloca: “Ohuserya sa Yehova mu elocelo aka ya osikola yaanakeeriha weeravo echu.” Voocharela Kristina aahikhala piyoneera nave ori oohakalalaxa.
woona wi enahaala okhala yaphaama omurumeela Yehova mmuloko onapharihela elocelo aniiwexexaaya phaama. Wakhala wi eyo yoheereya, asitiithi hanaphwanela wuupuwela wi anaaya ahaanyanyala. Kristina onnuupuwela: “Kaahisuwela mathipelo a elocelo ya asitiithi aka, nyenya elocelo yaaphariheliwa mmithukumano yaari yoovila wa miyo. Kirino iyaakha 12 kaahiyawo o muthukumano wa muceche waapakiwe mu elocelo aka ya osikola. Mu ekwaha yoopacerya, kaahiiwexexa wi yeeyo kaawiriyanaaka yaari eparipari! Otorokeya okina waphaama weeren’ye vaavaa kaapacenryaaka ovekela mu elocelo aka ya osikola. Kaanawerya oloca ni Yehova orweela vamurimani!” (16. Ntakhara heeni Natiya oohakalala okhala mmuloko wa elocelo yookhopela?
16 Amiravo, apwanne munnuupuwela othaamela muloko onaloca elocelo ya vanipuroni? Wakhala wi munnachuna, musuwele nthowa nene. Apwanne nthowa nawi othaamela muloko yoowo enamookhaviheryaani omwaacamela Yehova? (Tiyako 4:8) Naari munachuna othaama nthowa nawi hamunachuna wi asitiithi anyu evareryeleke echu yoothene munapakaanyu naari hamunachuna wiilipiserya ohuserya elocelo? Natiya yoowo vano onarumeela o Peteli ooloca: “Vaavaa miyaano ni asinnaka naaryaahu amiravo, naanachuna othaamela muloko wa elocelo ya vanipuroni.” Nyenya asitiithi awe yaahisuwela wi othaama weiwo waahaala onanariha onthamwene aya ni Yehova. “Vano ninnathamalela woona wi asitiithi ahu yaahiilipixerya onihusiha elocelo aya ni otitelela okhala mmuloko wa elocelo yookhopela. Eyo ennareeliha ikumi sahu nave yohaacererya ikari sahu waakhaviherya akina omusuwela Yehova.”
AKINA ENI EKHAVIHERYE HAI?
17. (1) Taani Yehova omvanheiye murici wa waaphuwa anamwane? (2) Asitiithi eni ephwanye hai nikhaviheryo na waahusiha anaaya eparipari?
17 Yehova ohaavaha asitiithi murici wa waahusiha anamwanaaya eparipari. Murici owo Yehova haavanhe asivovo aya naari muchu mukina. (Mwaalakhanye Masiposipo 1:8; 31:10, 27, 28.) Nlelo, asitiithi ahisuwenle elocelo ya vanipuroni akhweya anamuchuna nikhaviheryo wi etannye mirima sa anaaya. Vaavaa asitiithi anavekaaya nikhaviheryo, eyo henataphulela wi aneererya osepa murici wa waaphuwa anaaya. Opwaha yeeyo, eyo enanwerya opaka makupa a waaphuwa mu “merelo ni malakelelo a Apwiya.” (Éfeso 6:4) Ntoko yootakiherya, akhweya asitiithi anamwaakoha atokweene a muloko sooleeliherya vooloca sa mukhalelo wa weeciha malapelo eechoko ni waakhaviherya anaaya waaphwanya asinthamwene aphaama.
Anamwane ni asitiithi annakhaviheryeya moorweela wa othukumana ni muloko (Moone iparakrafo 18, 19)
18, 19. (1) Akristu akina eni yaakhaviherye hai amiravo? (2) Tiheeni asitiithi anaphwanelaaya otitelela opaka?
18 Wi yaakhaviherye anaaya, asitiithi wiiliwiili anaphwanela owopa imusi ikina wi ikhale ni yaawo mmalapelo eechoko. Navetho, amiravo ancipale annahuserya orweela wa Akristu akina vaavaa analaleeryaaya ni yaawo ni anapakaaya vamoha ichu ikina. Masiposipo 27:17) Shan oromoliwe woopaceryani ooloca: “Kinnawuupuwela phaama anna yaakikhaviherya. Vaavaa yaakikhaviheryaaya ni miyaha sa anasikola mmithukumanoni, wiiliwiili kaanahuserya vancipale. Nave kaanasiveliwa ni miteko sa ochekula naapakaahu ntoko nikhuuru.”
(19 Mwawiihiiha, yaale anathanliwa ni asitiithi wi yaakhaviherye anaaya anaphwanela wiiliwiili waaceenyeryaka waacicimiha asitiithi aya. Anahaala owerya weerano moorweela wa waaloca mwaphaama asitiithi ni ohipaka makupa mu murici wa asitiithi wa waaphuwa anaaya. Navetho yaale anakhaviherya, anaphwanela osepa meecelo vyakala yaahaala wooniwa ni akina a mmulokoni ni yaale ahinapaka makupa a muloko okhala oonanara. (1 Pedro 2:12) Naamwi asitiithi evekaka nikhaviheryo wa akina, nlelo murici aya waahusiha anaaya eparipari. Awo anaphwanela oyano vahoolo nikhaviheryo nnavahiwa ni Akristu akina.
20. Asitiithi eni yaakhaviherye hai anaaya okhala akapuro oororomeleya a Yehova?
20 Asitiithi, mveke nikhaviheryo wa Yehova, nave mwiilipiserye ophiyerya munaweryelaanyuvo. (Mwaalakhanye 2 Matharihelo 15:7.) Muhele onthamwene wa aniinyu ni Yehova vanipuro noopacerya opwaha soochuna sanyu. Mpake soothene munaweryaanyu wi mweerihe wi Masu a Muluku etannye murima wa mwaninyu. Muhuupuwele wi mwaninyu harwa akhala kapuro a Yehova. Vaavaa anamwane anacharihaaya Masu a Muluku ni yootakiherya anyu yaphaama, munahaala woona mmukhalelo mmohamoha wa murummwa Yohani yoowo aalonce sa anaawe oosiphela: “Nkano ohakalala onapwaha vava vosuwela wi anàka anetxa mwa eparipari.”
^ par. 7 Moone mwaha “Você pode aprender outro idioma!” mu Despertai! a Marsu a 2007 ipaaxina 10-12, (a ekunya).