Chiryene, oviriha ohiyu vamoha nihirivo nthowa noophwanelela yawooniherya etokweene wi aapaka ocapaheya. Mwawiihiiha, naahikhalavo nthowa noophwanelela, nikhuuru noothoriha nnaphwanela orehereryiwa.—1 Korinto 6:18.

Nikhuuru na atokweene nnaphwanela othokororya moomaleleya mwaha ti mwaha wi elakelele waakhanle wi ti woochuneya orehererya nikhuuru noothoriha. Ntoko yootakiherya: Apwanne arimwaakamelana? Apwanne atokweene ahaavaha ekano khalai vooloca sa mukhalelo anakhalihanaaya? Ntakhara heeni aaviriha ohiyu vamoha? Apwanne yaarimulakelela? Apwanne yaahikhalano mukhalelo mukina wa osepa yeela, naari yookhala yeeren’ye yeeyo yahaaweheryaaya, ntoko yaweereya vyakala naari nikacamiho niweerinhe ohikhalano yaweera nyenya ephiyerya oviriha ohiyu vamoha? (Eklesiyaste 9:11) Nipuro taani yaakonnaayavo? Mwaha ti mwaha ti woohiyana, mwawiihiiha akhweya inamukhalavo sooleeliherya ikina sinahaala ovolowela yoolakelela ya atokweene.

Atokweene emanle othokororya sooleeliherya soothene, eyo enahaala waakhaviherya olakelela waakhanle wi nikhuuru na othoriha ninnaphwanela orehereryiwa.