Vaavaa nnamwaalakhanyaahu Piipiliya, nnanwerya opharihela ikaruma soohiyanahiyana sa otholathola wi niwerye wiiwexexa phaama yeeyo nnaalakhanyaahu. Nto hannachuna pahiru waaceererya masuwlelo ahu vooloca sa Piipiliya. Hiyaano nnachuna ophwanya muhakhu woomunepani vooloca sa omuchu wa Yehova yoowo onahaala waaceererya osivela wahu ntakhara yoowo. Wi neereno yeela, nnaphwanela wiikoha: ‘Eversiikulu yeela ya Mpiipiliyani enakihusiha eheeni vooloca sa Yehova?’

Ntoko yootakiherya, nyuwaano munanwerya waavya sawooniherya sawi Yehova ookhalano mikhalelo ntoko, osivela, miruku, ekhaikhai ni ikuru. Nto ohiya seiharu pahi, Yehova ookhalano tho mikhalelo mincipale, nave mikina sa seiho sinnantikhiniha vancipale. Muni mphwanye woowi sooleeliherya sincipale vooloca sa mikhalelo sa Yehova?

Mu Índice de Publicações da Torre de Vigia nyuwaano munanwerya ophwanya eliista ya mikhalelo mikina 50 sa Yehova. Iho siri vamuru “Jeová,” vathi va mwaha “Lista de qualidades.” (Wakhala wi nyuwaano murino pahiru Yoohoolela ya Otholathola ya Anamoona a Yehova munanwerya ophwanya elista emohamoha va muru “Yehova Muluku,” vathi va mwaha “Mikhalelo sa Yehova.”)