Mwaamusiveliwa okumihavoxa mphurelo wa yoohuserya anyu ya muchu mukhateiye? Sooleeliherya iha inanwerya wookhaviheryaani otikitheryeya phaama vaavaa munahuseryaanyu:

• Muthanle nipuro noophwanelela. Wakhala wooweryeya, mwaavye nipuro nooreheryeya ni nawooneya phaama. Munanwerya othanla okiraathi va ekatera wacamela va emeesa naari othanla nipuro noomaaleleya vaate.

• Mwaavye nipuro nawiipitheya. Yesu aathanla ovekelaka “oyaaka nuuxa” nipuro na “otakhwani.” (Mar. 1:35) Wakhala wi hamunawerya ophwanya nipuro nawiipitheya, munanwerya waaleela amusi anyu naari asinthamwene anyu wi ecicimiheke elukuluku anyu ya yoohuserya.

• Mukhale ootikitheryeya. Musepe okhala awaakanyeryeya. Wakhala wi munampharihela telefoni naari tapuleti, mmuhele o silensiyu naari no modo de voo. Nave wakhala wi mohuupuwela opaka echu mu elukuluku ene yeeyo, murepele wi muthokororye mu elukuluku ekina. Wakhala wi mohoona wi hamuri ootikitheryeya, muhiyererye vakhaani mvinye wi mwiisookole.