Asitiithi aakhalano murici mutokweene wa waahusiha anaaya vooloca sa Yehova. (Aef. 6:4) Wi yaakhaviherye asitiithi, marehereryo annavonya miyaha mincipale, ixilema ni macipo. Ti mwawiihai asitiithi aneeraaya epharihele soothene seiho wi yaahusihe anaaya?

• Muye mu esaiti JW.ORG. Munahaala ophwanyamo ixilema soothene ni miyaha irehereryiwe ntakhara anamwane. a Wi mphwanye seiho, muye mu ekaaxa ya otholathola nave murepe “Anamwane” naari “Amiravo.”

• Muthanle yeeyo eri yoophwanelela wa aniinyu. Mmakupa ani “Anamwane,” nyuwaano munanwerya othanla ixilema, macipo ni miteko seiho sinahaala waakhaviherya aniinyu. Wi mphwanye, mutholathole “Projetos para adoração em família.”

• Mmaliheke elukuluku ni aniinyu. Muhiphariheleke ixilema naari miteko seiho pahiru wi aniinyu ekhale ooweiwa. Ohiya yeeyo, mvaanele ni yaawo vooloca sa mwaha nave mwaakhaviherye okhalano onthamwene woolipa ni Yehova.