Mwaalakhanye Amuthoriha 11:30-40 wi moone yootakiherya yaphaama yeeyo Yefita ni mwana awe avanhaaya vooloca sa waakhwaniherya nlakano.

Muthokororye mwaha ene. Aisarayeli oororomeleya yoona hai nlakano nenlo yaapakaaya wa Yehova? (Nam. 30:2) Ti mwawiihai Yefita ni mwanawe yoonihenryaaya wi yaakhalano nroromelo wa Yehova?—Amut. 11:9-11, 19-24, 36.

Ohuserya mwawiiseela. Tiheeni Yefita aamuroromelinheiye Yehova, nave tiheeni owo aachuneiye oloca ni yeela? (Mulipeleli, 04/2016, epaax. 6, epara. 12) Wiilipixerya taani Yefita ni mwanawe yaapankaaya wi yaakhwaniherye nlakano naya nenlo yaapankaaya? (Mulipeleli, 04/2016, ipaax. 6-7, ipara. 14-16) Malakano taani makina yaawo alapeli a Yehova anapakaaya olelo?—Mulipeleli, 04/2017, ipaax. 6-9, ipara. 10-19.

Muupuwele ichu muhusenryanyu. Mwiikohe:

• ‘Tiheeni enahaala okikhaviherya otitelela waakhwaniherya nlakano naka na wiiveleela?’ (Mulipeleli, 03/2020, epaax. 13, epara. 20)

• ‘Wiilipixerya taani kinaphwanelaaka opaka wi kipake sincipale mmuteko wa Yehova?’

• ‘Ti mwawiihai kinahaalaaka waakhwaniherya yoolakelela aka ya waakhwaniherya nlakano nenlo kipankaaka wa oothelana aka?’ (Mat. 19:5, 6; Aef. 5:28-33)