Mano mwanwerya waakhula makoho yaala orweela wa Mulipeleli a 2019?

Tiivi eri yootaphulela ya yoororomeliha ya Muluku: “Mavaka oothene oorehereliwaa ekaamookuvya”? (Isa. 54:17)

Nnaphwanela ororomela wi Muluku onahaala onikhapelela orweela wa ikuru seiya soopahula “miwiya ya achu oowali.” (Isa. 25:4, 5) Amwiicani ahu herwa enipahula moomalela.—w19.01, ipaax. 6-7.

Mukhalelo Muluku aakhalinheiye Akanani ni Aisarayeli aweerano soonanara enooniherya hai ekhaikhai awe?

Muluku aahiruuha othoriha mwa yaawo yaapaka meerelo oocapaheya naari yaahoosa athiyana ni anamwane. Owo aanaareeliha achu yaawo yaamwiiwelela nave yaakhaliha akina mweekhaikhai.—w19.02, ipaax. 22-23.

Tiheeni nnaphwanelaahu opaka wakhala wi nri vaava elukuluku muchu nihinuukaahuno nroromelo onavekeleiye?

Mwancicimiho nnaphwanela omaala nyenya niheere “aamen” naari waavahererya mata akina. Moomaaleleya nnanwerya opaka nivekelo nahu.—w19.03, epaax. 31

Ophiyerya mweeryo taani aryaaya oonanara meerelo a waakoniha anamwane?

Meerelo a waakoniha anamwane yoocheka wa yoowo okonihiwe, muloko, alamuleli eelapo, ni Muluku. Weiwo malamulo aneemereryaaya omulokoha muchu opanke meerelo a waakoniha anamwane, atokweene a muloko annachariha.—w19.05, ipaax. 9-10.

Muni mutoroke naari orehererya hai muupuwelo anyu?

Echu yookhweleya ti: Oloca ni Yehova mu nivekelo. Muupuwelele ni yoolakelela ya wiisaalikhela mukhatiinyu. Muthanle mathatelo anyu mwa miruku.—w19.06, epaax. 11.

Tiheeni nnaphwanela opaka hiihaano wi niirehererye ntakhara wiikariwa?

Nnaphwanela olipiha onthamwene ahu ni Yehova. Nroromele wi owo onnanisivela nave harwa aninyanyala. Nimwaalakhanye Piipiliya mahiku oothene nave nivekele moohihiyererya. Nroromele wi mareeliho a Omwene anahala orwa. Nuupuwelele soorepa sa vamurimani ni macipo Omwene.—w19.07, ipaax. 2-4.

Tiheeni nnaphwanelaahu opaka wi naakhaviherye amusi wi evulusiwe?

Ti yookhweleya wooniherya niphwanya, weeriha wi meecelo ahu aphaama evahe onamoona, nave nikhale oovilela ni oocicimiha.—w19.08, ipaax. 15-17.

Nniichuuwa hai, hiiha ntoko Yesu aaroromelinheiye mu Mateu 11:28?

Hiyaano nookhalano ooweherya oosivela, asinthamwene aphaama, ni muteko waphaama.—w19.09, ipaax. 20-23.

Muluku onanivaha hai ochuna ni weerano? (Fil. 2:13)

Elukuluku nnaalakhanyaahu Masu a Muluku ni wuupuwelela, Muluku onamunivaha munepa awe, onivahaka nchuno ni ikuru sa opaka yookhwela awe. Munepa awe onamurehererya mavyakelo ahu.—w19.10, epaax. 21.

Tiheeni nnaphwanelaahu weera nimanle opaka yoolakelela etokotoko?

Ichu thanu sookhweleya ti: Opaka otholathola woomalela. Mveke miruku. Mwaalikhele mathowa anyu. Mukhale ooluluwanya. Mukhale eeparipari.—w19.11, ipaax. 27-29.

Apwanne moonelo wa munepa ohinakhwa ti yeeyo Satana aamulenleiye Eva?

Mwawooneya hooye. Satana aamulenle Eva wi haahaala okhwa, ohiya wi aahaala okhala ntoko wi ookhwa ahikhwile. Moonelo vyakala wa malapelo atheru hiwaakophonle mu Maahi Mancipale. Nihusiheryo na munepa ohinakhwa akhweya naakhumelenle Muluku ahaakumve waamwarya achu yaapaka muconco o Papeli.—w19.12, epaax. 15.