Akhweya ancipale a hiyo, nnamoona okhala woovila wuupuwela ichu seiyo nihusenryaahu. Mwawiihiiha, apwanne mohoona mukhalelo maphwanaphwaniho a Yesu anaakuvelaaya woorweelaani mmuupuweloni mwanyu? Nyuwaano munanwerya okhapelela mmuupuweloni mwanyu, nave eyo enamookhaviheryaani wuupuwelelaka yaawo. Mmukhalelo mmohamoha, nyuwaano munawerya wuupuwelelaka ichu sincipale seiyo munahuseryaanyu moorweela wa opaka iruku. Muni mweereno hai yeeyo? Moorweela wa orepa iruku vaavaa munahuseryaanyu.

Achu yaawo anarepa iruku wa ichu seiyo ivyaani enahuseryaaya, awo annuupuwelela seiho mookhweya. Awo ahoona wi meerelo yaala annaphara muteko ohiya pahiru wa masu a muchu ti muchu, nyenya tho wa miruku ni muupuwelo wooheseya vooloca sa mwaha wammoori. Iruku saya tahi seiho inapakiwa ni achu amavyakelo—pahiru miyaha sookhweya ni sookhuveya. Sawooniherya sinnooniherya wi achu awunnuwelavo ananwerya ophuravo xaxaxa wa meerelo yaala.

Mu ekwaha enacharela vaavaa munahuseryaanyu, nyuwaano munanwerya weererya orepa iruku wa yeeyo muhusenryaanyu. Nyuwaano munanwerya otikhiniheya mmukhalelo muneeraanyu muupuweleleke!