Ntakhara heeni wiirehererya? Ereca yootutuxa ni waapaxaariwa oxipitale inanwerya weereya mwawaakuveya nave moohiwehereryeya. Mwawiihiiha, ehaakumve eyo weereya, mwiirehererye hiihaano ni ikaruma seiyo irivovo wi sookhaviheryeeni waakhela oloola woophwanelela. Mweerano hiiha, munamooniherya ncicimiho ntakhara okumi ni nlamulo na Yehova vooloca sa nikhami.—Saw 15:28, 29.

Tiheeni munaphwanelaanyu opaka wi mwiirehererye?

• Mvekele moomaaleleya nave mumperenxeere kartau (DPA). a Alaleeryi anaphwanela oloca ni munna onakhapelela soolaleeryiwa wi emveke kartau DPA ntakhara yaawo mukhataaya, hiiha ntoko Epilyeti ya Oyariwa (ic) ntakhara anamwane anyu akhaani

• Wakhala wi moorupala, mwaaveke atokweene a mmulokoni Yoochariha ya Sooleeliherya sa asimaayi oorupala (S-401). Etukumentu yeela enamookhaviheryaani opaka soolakelela saphaama vooloca sa miyaha sa oloola inahaala okhumelela variyari va orupala naari oyara

• Wakhala wi oloola owo onnavolowela nikhami naari opaxaara oxipitale, mwaaleele atokweene woosiilo ene nave tho mwaaleele achu ooxipitali wi munahaala waakhela oxekurya wa Anamoona a Yehova

Atokweene eni ekhaviherye hai? Awo anamookhaviheryaani omperenxeera kartau anyu DPA. Mwawiihiiha atokweene heni epake soolakelela sa mwaha wa oloola naari ovaha miyoonelo saya vooloca sa soolakelela sa muchu mukhateiye. (Aro 14:12; Aka 6:5) Wakhala wi mohaaleela atokweene a mmuloko anyu wi munnahoolela nikacamiho na oloola nnavolowela nikhami, mwawaakuveya awo anahaala oloca ni anna a Nikhuuru Nawiiwanana ni Exipitali (HLC) ntakhara nyuwaano.

Ti mwawiihai Nikhuuru Nawiiwanana ni Exipitali (HLC) nnahaalaaya wookhaviheryaani? Anna anarumeela o HLC aavyakihiwa wi yaakhaviheryeke yaale anachuna oloola ni waakhaviherya matotore wiiwexexa malapelo ahu mwawiiwanana nnikhami. Awo ananwerya ovaanela ni mameetiku yaawo wi nwerye waakhela oloola muhivahiwe nikhami. Wakhala wooweryeya, awo anamookhaviheryaani omphwanya totore yoowo onahaala opaka oloola ahipharihenle nikhami.

MOONE EXILEMA NNI NIWERYE HAI OPAKA YOOLAKELELA VOOLOCA SA OLOOLA ONAVOLOWELA OPHARIHELA NIKHAMI?, VOOCHARELA MWAAKHULE MAKOHO ANACHARELA:

• Tiheeni muhusenryaanyu mu exilema yeela yeeyo enahaala wookhaviheryaani okhala ooreheryeya ntakhara ereca yootutuxa?

  textarea-1