Variyari va mahiku yaala okuchula, ninnahoolela saweeha sincipale ni soovila. Nave wiili wiili, nnahaala woona wi saweeha nnakumanahuno ti soovilaxa. Moohiyana, wakhala wi nootitelela omwaacamela Yehova, owo onahaala onikhaviherya ovilela saweeha soovila ni sawaakanyerya. (Yes 43:2, 4) Nni nimwaacamele hai Yehova vaavaa nnahoolelaahu saweeha?

Nivekelo. Vaavaa nnahulaahu murima ahu ntakhara Yehova, owo onnanivaha ikuru ni murecele wa mmuupuweloni wi nivilele.—Afi 4:6, 7; 1Ate 5:17.

Mithukumano. Moopwahaxa, ninnachuna yoolya yoomunepani ni wiiwanana yoowo Yehova onavahereryeiye mmithukumano sahu. (Ahe 10:24, 25) Vaavaa nniirehereryaahu, ovaha maakhulo, ni opaka makupa mmithukumano sa muloko, ninnaphuravo nnikhaviheryo na munepa wa Yehova.—Wup 2:29.

Muteko Woolaleerya. Nnahaala woona okhala wookhweya niitikitherya mu ichu soochuneya moorweela wa otitelela okhala amvai mmuteko woolaleerya. Hiyaano tho nnahaala olipiha onthamwene ahu ni Yehova vamoha ni akhwiihu a munroromeloni.—1Ako 3:5-10.

MOONE EXILEMA YEHOVA ONAHAALA WOOKHAPELELAANI , NAVE VOOCHARELA MWAAKHULE MAKOHO ANACHARELA:

• Tiheeni yaamukhavihenrye Malu omwaacamela Yehova variyari va yaweeha?

  textarea-1

• Hiiha ntoko Malu, ti mwawiihai masu anaphwanyeya mu Salmu 34:18 aneeraaya enikhaviherye ovilela ni saweeha?

  textarea-2

• Ti mwawiihai yaweereya ya Malu enooniheryaaya wi Yehova onnanivaha “owerya woopwaha” vaavaa nnahoolelaahu makacamiho?—2Ako 4:7

  textarea-3