Hiyaano ninnachuna omuhakalaliha Yehova mwa soothene nneeraahu. (Mas 27:11) Wi neereno yeela, nnaphwanela opakaka soolakelela seiho sinooniherya muupuwela awe naamwi nihirivo nlamulo nooluluwanya naari nlakiheryo wi nnihoolele. Tiheeni enahaala onikhaviherya weerano yeeyo?

Mutikitherye Yookhovelela ya Omuhuserya Piipiliya Moohihiyererya. Ekwaha yoothene nnamwaalakhanyaahu Piipiliya, nnamaliha elukuluku ahu ni Yehova. Hiyaano nnanwerya ohuserya vooloca sa mukhalelo Yehova onuupuweleiye moorweela wa woona mukhalelo onaakhaliheiye achu awe ni moorweela wa othokororya sootakiherya sa yaale yeenre ichu saphaama naari soonanara vamiithoni vawe. Vaava nnachunaahu opaka soolakelela, munepa waweela onanwerya onuupuxerya mahusiheryo ni malakiheryo oochuneya yaawo nihusenryaahu mu Masu a Muluku.—Yoh 14:26

Mutholathole. Vaavaa munachunaanyu opaka yoolakelela, mwiikohe: ‘Iversikulu taani naari saweereya taani sa Mpiipiliyani sinahaala okikhaviherya wiiwexexa moonelo wa Yehova vooloca sa mwaha?’ Mvekele wa Yehova, nave mpharihele ikaruma sa otholathola seiho sinaphwanyeya mu elocelo anyu wi sookhaviheryeeni ophwanya malakiheryo a Mpiipiliyani yaawo anahaala wookhaviheryaani mmukhalelo anyu.—Sal 25:4.

MOONE EXILEMA NNAPHWANELA WI “NTXHIMAKE NI NTHÌTI”—OLYA YOOLYA ENAVHA IKURU, NAVE VOOCHARELA MWAAKHULE MAKOHO ANACHARELA:

• Mu exilema yeela, okhinyererya taani murokora yoowo ori mwali aahoolenleiye?

  textarea-1

• Ti mwawiihai mwaahaalaanyu opharihela ikaruma sa otholathola wi sookhaviheryeeni ohoolela okhinyererya woolikana?

  textarea-2

• Ti mwawiihai nnaphuraahu vaavaa nnaavyaahu elukuluku wi ntholathole ni opaka yoohuserya ya muchu mukhateiye yeeyo enahaala onikhaviherya opaka soolakelela saphaama?—Ahe 5:13, 14

  textarea-3